కళ్యాణ్ రామ్ హీరోగా ప్రదీప్ చిలుకూరి దర్శకత్వంలో ఓ చిత్రం రూపొందుతోంది. ముప్పా వెంకయ్య చౌదరి సమర్పణలో అశోక్ క్రియేషన్స్, ఎన్టీఆర్ ఆర్ట్స్ బ్యానర్స్‌‌‌‌పై అశోక్ వర్ధన్ ముప్పా, సునీల్ బలుసు నిర్మిస్తున్నారు. కళ్యాణ్ రామ్ కెరీర్‌‌‌‌‌‌‌‌లో ఇది 21వ చిత్రం. ఈ సినిమా షూటింగ్ శరవేగంగా జరుగుతోంది. ప్రస్తుతం హ్యూజ్ యాక్షన్ ఎపిసోడ్‌‌‌‌ను షూట్ చేస్తున్నారు. ఇది 15 రోజులపాటు కొనసాగుతుందని మేకర్స్ తెలియజేశారు.
ఈ షెడ్యూల్‌‌‌‌లో 150 మంది ఫైటర్లు, 300 మంది జూనియర్ ఆర్టిస్టులు పాల్గొంటున్నారని, ఈ భారీ యాక్షన్ బ్లాక్‌‌‌‌ను పీటర్ హెయిన్ మాస్టర్ పర్యవేక్షిస్తున్నారని చెప్పారు. ఈ ఫైట్ సీక్వెన్స్ సినిమాకు హైలైట్‌‌‌‌గా నిలుస్తుందన్నారు. ఈ చిత్రంలో విజయశాంతి ఐపీఎస్ ఆఫీసర్‌‌‌‌‌‌‌‌గా కీలకపాత్ర పోషిస్తుండగా, సోహైల్ ఖాన్, సయి మంజ్రేకర్, శ్రీకాంత్ ఇతర పాత్రల్లో కనిపించనున్నారు. శ్రీకాంత్ విస్సా స్క్రీన్ ప్లే, అజనీష్ లోక్‌‌‌‌నాథ్ సంగీతం అందిస్తున్నారు. ఇప్పటికే విడుదలైన గ్లింప్స్ సినిమాపై అంచనాలు పెంచింది.
