- ఎమ్మెల్యే సురేందర్కు డిపాజిట్ గల్లంతు
- కాంగ్రెస్ అభ్యర్థి మదన్ మోహన్ రావు
లింగంపేట, వెలుగు: నెలరోజుల్లో సీఎం కేసీఆర్దుకాణం బంద్ అవుతుందని, ప్రజలకు మేలు చేసే కాంగ్రెస్ ప్రభుత్వం రాబోతుందని పీసీసీ ఉపాధ్యక్షుడు, ఎల్లారెడ్డి కాంగ్రెస్అభ్యర్థి మదన్మోహన్రావు పేర్కొన్నారు. ఎన్నికల ప్రచారంలో భాగంగా ఆదివారం లింగంపేటలో నిర్వహించిన కార్యకర్తల సమావేశంలో ఆయన పాల్గొని మాట్లాడారు. తనకు ఏ పదవి లేకపోయినా నాలుగున్నరేళ్లుగా నియోజకవర్గ ప్రజలకు సేవ చేస్తున్నానన్నారు.
కరోనా టైమ్లో ప్రజలకు అండగా ఉన్నానని, నిరుద్యోగులకు ఉపాధి అవకాశాలు కల్పించేందుకు కృషి చేశానన్నారు.ఈ ఎన్నికల్లో తనను ఎమ్మెల్యేగా గెలిపిస్తే నియోజకవర్గ ప్రజలకు నిరంతరం అందుబాటులో ఉంటూ సేవ చేస్తానన్నారు. గత నియోజకవర్గంలో కాంగ్రెస్నుంచి గెలిచిన సురేందర్ బీఆర్ఎస్కు అమ్ముడుపోయారని, ఈ ఎన్నికల్లో ఆయన డిపాజిట్గల్లంతవుతుందన్నారు.
తాను ఎమ్మెల్యేగా గెలిస్తే అందుబాటులో ఉండనంటూ బీఆర్ఎస్ నేతలు సామాజిక మాధ్యమాల్లో తప్పుడు ప్రచారం చేస్తున్నారని, వీటిని తిప్పికొట్టాలన్నారు.
కాంగ్రెస్లో చేరిన లింగంపేట జడ్పీటీసీ
కాంగ్రెస్అభ్యర్థి మదన్ మోహన్ రావు సమక్షంలో లింగంపేట జడ్పీటీసీ ఏలేటి శ్రీలత, సంతోష్రెడ్డి, కోమట్పల్లి ఎంపీటీసీ కమ్మరి కల్యాణి, లింగంపల్లి ఎంపీటీసీ భాగవ్వ, మోతె సర్పంచ్ఏలేటి రాంరెడ్డి, సురాయిపల్లి సర్పంచ్ రాజశేఖర్రెడ్డి, మాలోత్తండా సర్పంచ్ సునీత, ఎక్కపల్లి సర్పంచ్సతీష్గౌడ్, ముంబాజీపేట సర్పంచ్ స్వప్నలతో పాటు వివిధ గ్రామాల ఉపసర్పంచులు, మాజీ సర్పంచులు కాంగ్రెస్లో చేరారు.
