వాషింగ్టన్: భారత్ లో ఎన్నికలు, ఓట్ల లెక్కింపు ప్రక్రియపై టెస్లా, ఎక్స్ (ట్వి ట్టర్) అధినేత ఎలన్ మస్క్ ఆసక్తికర ట్వీట్ చేశారు. భారత్ లో లోక్ సభ ఎన్నికల సందర్భంగా 64 కోట్ల ఓట్లను ఒకే రోజులో లెక్కించారని, కానీ అమెరికా అధ్యక్ష ఎన్నిక లకు సంబంధించి ఇంకా ఓట్ల లెక్కింపు పూర్తి కాలేదన్నారు. కాలిఫోర్నియాలో ఇంకా ఓట్ల లెక్కింపు జరుగుతోందని అసంతృప్తి వ్యక్తం చేస్తూ ట్వీట్ చేశారు.
కాగా అమెరికా అధ్యక్ష ఎన్నికలకు సంబంధించి అధికారిక ఫలితాలు ఇంకా విడుదల కాలేదు. కాలిఫోర్నియాలో ఓట్ల లెక్కింపు జరగుతోంది. అక్కడ కోటి 60 లక్షల మంది ఓటర్లు ఎన్నికల్లో ఓటు హక్కును విని యోగించుకున్నారు. కొందరు మెయిల్ ద్వారా తమ ఓట్లను పంపగా, కొందరు బ్యాలెట్ పద్ధతి లో ఓటింగ్ లో పాల్గొన్నారు. అధికారులు ఈ ఓట్లను నిర్ధారించుకునే పనిలో పడ్డారు.
