- ప్రజల అభిప్రాయాలు తెలుసుకునేందుకు వెబ్ సైట్ ఆవిష్కరణ
ఖైరతాబాద్,వెలుగు: అవినీతి, నేర చరిత్ర లేని సమాజం కోసం నిరంతరం కష్టపడే జర్నలిస్టులు రాజకీయాల్లోకి రావలసిన అవశ్యకత ఉందని పలువురు వక్తలు అభిప్రాయ పడ్డారు. భారత వర్కింగ్జర్నలిస్టుల అసోసియేషన్, తెలుగు రాష్ట్ర సంక్షేమ సంఘం, తెలంగాణ రాష్ట్ర జర్నలిస్టుల సంక్షేమ సంఘ సంయుక్తాధ్వర్యంలో బుధవారం సోమాజిగూడ ప్రెస్క్లబ్లో ‘పాత్రికేయుల రాజకీయ పార్టీ’ఆవిర్భావం జరిగింది.
ఈ సందర్భగా జరిగిన రౌండ్ టేబుల్ సమావేశంలో బడ్జెట్పాలిటిక్స్, నవ సమాజ స్థాపన, సామాజిక న్యాయం, మహిళా సాధికారత, నిరుద్యోగ యువత భవిష్యత్, అవినీతి– నేర రహిత, నిస్వార్థ సమాజం వంటి అంశాలపై ప్రముఖులు తమ అభిప్రాయాలను వ్యక్త పరిచారు. బీసీ కమిషన్మాజీ చైర్మన్ బీఎస్ రాములు, ఏడబ్య్లూజేఏ జాతీయ అధ్యక్షుడు కె.కోటేశ్వరరావు, తెలంగాణ రాష్ట్ర జర్నలిస్టుల సంక్షేమ సంఘం వ్యవస్థాపక అధ్యక్షుడు ఆనం చిన్ని వెంకటేశ్వరరావు తదితరులు పాల్గొని మాట్లాడారు. సామాన్య ప్రజలు తమ అభిప్రాయాలను పంపడానికి వెబ్ సైట్ ను ఆవిష్కరించారు.
