యాదాద్రి, వెలుగు : యాదాద్రి జిల్లాలో 16 డిపార్ట్మెంట్లకు చెందిన ఉద్యోగుల బదిలీల ప్రక్రియ ముగిసింది. ప్రభుత్వ ఉత్తర్వులు నెం.80 ప్రకారం ఈనెల 5 నుంచి 20 వరకు ఉద్యోగుల బదిలీల ప్రక్రియ సాగుతున్న సంగతి తెలిసిందే. ఇందులో భాగంగా యాదాద్రి జిల్లాలో నాలుగేండ్లు పైబడి కొనసాగుతున్న జూనియర్ అసిస్టెంట్నుంచి కింది స్థాయి ఉద్యోగులు బదిలీ కోసం ఇదివరకే ఆప్షన్లు చేసుకున్నారు.
కాగా గురువారం యాదాద్రి కలెక్టరేట్లో రెవెన్యూ, ఎస్సీ వెల్ఫేర్, జిల్లా పరిషత్, పంచాయతీ డిపార్ట్మెంట్లకు చెందిన ఉద్యోగులకు కలెక్టర్హనుమంతు జెండగే, అడిషనల్కలెక్టర్బెన్షాలోమ్ నేతృత్వంలో కౌన్సిలింగ్ నిర్వహించారు. సీనియార్టీ ఆధారంగా 187 మంది ఉద్యోగులను బదిలీ చేశారు.
మొత్తంగా జిల్లాలో 238 మంది ఉద్యోగులను బదిలీ చేశారు. కౌన్సిలింగ్లో జిల్లా పరిషత్ సీఈవో శోభారాణి, ఎస్సీ సంక్షేమశాఖ అధికారి జయపాల్ రెడ్డి, జిల్లా పంచాయతీ అధికారి సునంద, కలెక్టరేట్ పరిపాలన అధికారి జగన్మోహన్ ప్రసాద్, అధికారులు పాల్గొన్నారు.
