ములుగు, వెలుగు : పోస్టల్ బ్యాలెట్ ఇవ్వడంలేదని ములుగులో ఉద్యోగులు ధర్నా చేశారు. ఎన్నికల విధుల్లో ఉన్న ఉద్యోగ, ఉపాధ్యాయులు పోస్టల్ బ్యాలెట్ వినియోగించుకునేందుకు వెళ్తే రోజంతా వెయిట్ చేయించారని ఆరోపించారు. ఫెసిలిటేషన్ కేంద్రం వద్దకు వెళ్తే ఎన్నికల అధికారులు స్పందించడంలేదని నిరసన వ్యక్తం చేశారు.
ఈ సందర్భంగా వారు మాట్లాడుతూ ఉదయం 9గంటలకు బ్యాలెట్ ఓటింగ్ కోసం వస్తే సాయంత్రం 4గంటల వరకు ఓటు హక్కు వినియోగించుకోకుండా కారణాలు చెబుతున్నారన్నారు. నిరసన కార్యక్రమంలో అన్నవరం రవికాంత్, గుల్లగట్టు సంజీవ, హట్కర్ సమ్మయ్య, గొప్ప సమ్మారావు, మంకిడి రవి, ఎట్టి సారయ్య, పోదెం సమ్మయ్య, కాసర్ల రమేశ్, కొమురెల్లి, భూమిరెడ్డి అల్లం జగ్గారావు, తోలం కృష్ణయ్య, జబ్బ రవి, పూసం లక్ష్మీనారాయణ, బిళ్ల మల్లారెడ్డి, తులసి, మంజుల, సుగుణ తదితరులు పాల్గొన్నారు.
