వన్డే ప్రపంచకప్‌లో భాగంగా ధర్మశాల వేదికగా బంగ్లాదేశ్‌తో జరిగిన మ్యాచ్ లో ఇంగ్లాండ్‌ ఘన విజయం సాధించింది. 137 పరుగుల భారీ తేడాతో బంగ్లాను చిత్తు చేసింది. ముందుగా బ్యాటింగ్ చేసిన ఇంగ్లాండ్‌ నిర్ణీత 50 ఓవర్లలో 9 వికెట్ల నష్టానికి 364 పరుగులు చేసింది. ఓపెనర్‌ డేవిడ్ మలన్ (140) , జో రూట్ (82) , బెయిర్‌స్టో (52) పరుగులు చేశారు.
అనంతరం లక్ష్య ఛేదనకు దిగిన బంగ్లాదేశ్‌ 227 పరుగులకే ఆటను ముగించింది. ఓపెనర్‌ లిటన్‌ దాస్‌ (76), ముష్ఫికర్‌ రహీమ్‌ (51) పోరాడినా ఫలితం లేకపోయింది. ఇంగ్లాండ్‌ బౌలర్లలో రీస్‌ టాప్లే 4 వికెట్లు పడగొట్టగా.. వోక్స్‌ 2 వికెట్లు తీశాడు. సామ్‌కరన్‌, మార్క్‌వుడ్‌, అదిల్‌ రషీద్‌, లివింగ్‌స్టోన్‌ తలో వికెట్‌ తీశారు. కాగా ఈ మెగా టోర్నీలో ఇంగ్లండ్ కు ఇది తొలి విక్టరీ కాగా, బంగ్లాదేశ్‌కు రెండో ఓటమి.
