డిఫెండింగ్ ఛాంపియన్ ఇంగ్లాండ్ జట్టు వన్డే ప్రపంచకప్ 2023లో ముందుకు వెళ్లేది లేనిది నేటితో తేలనుంది. గురువారం బెంగుళూరు వేదికగా ఆ జట్టు.. శ్రీలంకతో తలపడుతోంది. ఈ మ్యాచ్ లో టాస్ గెలిచిన ఇంగ్లాండ్ సారథి జోస్ బట్లర్ బ్యాటింగ్ ఎంచుకున్నాడు. గత మ్యాచ్ లో బెంచ్ కు పరిమితమైన మోయిన్ అలీ, క్రిస్ వోక్స్, లివింగ్‌స్టోన్ తిరిగి ఇంగ్లాండ్ జట్టులో చేరగా.. లంక జట్టుకు ఏంజెలో మాథ్యూస్ తోడయ్యాడు.
తుది జట్లు
శ్రీలంక: పతుమ్ నిస్సంక, కుసల్ పెరీరా, కుసాల్ మెండిస్(కెప్టెన్ & వికెట్ కీపర్), సదీర సమరవిక్రమ, చరిత్ అసలంక, ధనంజయ డిసిల్వా, ఏంజెలో మాథ్యూస్, మహేశ్ తీక్షణ, కసున్ రజిత, లహిరు కుమార, దిల్షన్ మదుశంక.
ఇంగ్లాండ్: డేవిడ్ మలన్, జానీ బెయిర్‌స్టో, జో రూట్, బెన్ స్టోక్స్, లియామ్ లివింగ్‌స్టోన్, జోస్ బట్లర్ (కెప్టెన్ & వికెట్ కీపర్), డేవిడ్ విల్లీ, మొయిన్ అలీ, క్రిస్ వోక్స్, ఆదిల్ రషీద్, మార్క్ వుడ్.
