2019 ప్రపంచ కప్ విజేత ఇంగ్లాండ్ జట్టు అభిమానులు జీర్ణించుకోలేని కథనమిది. మరోసారి టైటిల్ ఫేవరెట్‌గా బరిలోకి దిగిన ఇంగ్లాండ్ జట్టు 2023 వన్డే వరల్డ్ కప్ పాయింట్ల పట్టికలో అట్టడుగున నిలిచింది. శనివారం ఈడెన్‌ గార్డెన్‌ వేదికగా నెదర్లాండ్స్.. బంగ్లాను చిత్తు చేయడంతో బట్లర్ సేనకు ఈ అవమానం తప్పలేదు.
ఇప్పటివరకూ ఈ మెగా టోర్నీలో 5 మ్యాచ్‌లు ఆడిన ఇంగ్లాండ్.. ఒకే ఒక మ్యాచ్‌లో నెగ్గింది. టోర్నీ ప్రారంభ మ్యాచ్‌లో న్యూజిలాండ్ చేతిలో ఓడిన ఇంగ్లాండ్.. ఆ తరువాత పుంజుకొని బంగ్లాదేశ్ పై విజయాన్ని అందుకుంది. అనంతరం అఫ్ఘానిస్థాన్, దక్షిణాఫ్రికా, శ్రీలంక చేతిలో హ్యాట్రిక్ ఓటములు చవిచూసింది. ఏదైనా అద్భుతం జరిగితే తప్ప ఇంగ్లీష్ జట్టు సెమీస్ చేరదు. బలమైన జట్టుగా టోర్నీలోకి దిగి.. చెత్త ప్రదర్శనతో పరాభవం మూటగట్టుకున్న ఇంగ్లాండ్ జట్టుపై అభిమానులు, ఆ జట్టు మాజీ ఆటగాళ్లు తీవ్ర విమర్శలు గుప్పిస్తున్నారు.
Points Table for World Cup 2023 after Bangladesh vs Netherlands match ?#Cricket #CWC23 #BANvNED pic.twitter.com/unnWKBdTTd
— Sportskeeda (@Sportskeeda) October 28, 2023
