జూన్ నెలలో భారత్, ఇంగ్లాండ్ జట్ల మధ్య జరగబోయే టెస్ట్ సిరీస్ కు ఇప్పటి నుంచే క్రేజ్ స్టార్ట్ అయింది. 5 మ్యాచ్ ల టెస్ట్ సిరీస్ లో భాగంగా అప్పుడే రెండు టెస్టులకు టికెట్స్ అమ్ముడుపోవడం విశేషం. సిరీస్ కు మరో నెలల సమయం ఉన్నప్పటికీ క్రికెట్ ప్రేమికులు టికెట్స్ కొనడానికి ఎగబడ్డారు. జూలై 2న బర్మింగ్‌హామ్‌లోని ఎడ్జ్‌బాస్టన్‌లో ప్రారంభమయ్యే రెండో టెస్టుకు.. లార్డ్స్‌లో జరిగే మొదటి నాలుగు రోజుల టిక్కెట్లు ఇప్పటికే అమ్ముడయ్యాయి. లార్డ్స్ క్రికెట్ గ్రౌండ్ అధికారులు ఈ విషయాన్ని తన అధికారిక ఎక్స్ లో ప్రకటించారు.
జూన్ 20 నుండి ఆగస్టు 4 వరకు జరగనున్న ఈ సిరీస్ కు ఇంగ్లాండ్ ఆతిధ్యమివ్వబోతుంది. మ్యాచ్‌లు, వేదికలకు సంబంధించిన పూర్తి షెడ్యూల్ ను ఇంగ్లండ్ క్రికెట్ బోర్డు గురువారం (ఆగస్టు 22, 2024) ప్రకటించింది. భారత్ తో జరగబోయే 5 మ్యాచ్ ల టెస్ట్ సిరీస్ తో ఇంగ్లాండ్ తమ ప్రపంచ టెస్ట్ ఛాంపియన్‌షిప్ 2025-2027 సైకిల్‌ను ప్రారంభించనుంది. లీడ్స్‌లోని హెడ్డింగ్లేలో జూన్ 20 న తొలి టెస్ట్ మ్యాచ్ జరగనుంది. సిరీస్‌లోని మిగతా నాలుగు టెస్టులకు ఎడ్జ్‌బాస్టన్, లార్డ్స్, ఓల్డ్ ట్రాఫోర్డ్ ఓవల్ వేదికలు కానున్నాయి.
Also Read :- ఇతర జట్లపై ఎలాగైనా ఆడుకో.. మా RCBని మాత్రం వదిలేయ్
2021-22 చివరిసారిగా భారత్ ఇంగ్లాండ్ లో పర్యటించింది. ఈ సిరీస్ 2-2 తో సమంగా ముగిసింది. 2024 ఏడాది ప్రారంభంలో ఇంగ్లాండ్, భారత్ చివరిసారిగా టెస్ట్ సిరీస్ ఆడాయి. భారత గడ్డపై జరిగిన ఈ సిరీస్ ను టీమిండియా 4-1 తేడాతో సిరీస్ గెలుచుకుంది.
ఇంగ్లాండ్ vs భారత్ 2025 టెస్ట్ సిరీస్ షెడ్యూల్
1వ టెస్ట్: జూన్ 20-24 - హెడ్డింగ్లీ, లీడ్స్
2వ టెస్టు: జూలై 2-6 - ఎడ్జ్‌బాస్టన్, బర్మింగ్‌హామ్
3వ టెస్టు: జూలై 10-14 - లార్డ్స్, లండన్
4వ టెస్టు: జూలై 23-27 - ఎమిరేట్స్ ఓల్డ్ ట్రాఫోర్డ్, మాంచెస్టర్
5వ టెస్టు: జూలై 31-ఆగస్టు 4 - కియా ఓవల్, లండన్
