యాదాద్రి, వెలుగు: స్వాతంత్ర్య వజ్రోత్సవాల్లో భాగంగా ప్రతి ఇంటిపై జాతీయ జెండాను ప్రదర్శించేందుకు ఏర్పాట్లు చేశామని యాదాద్రి కలెక్టర్ పమేలా సత్పతి తెలిపారు. ఇప్పటికే 1.60 లక్షల జెండాలు వచ్చాయని, మరో లక్ష జెండాలు వస్తున్నాయని చెప్పారు. కలెక్టరేట్లో మంగళవారం ఉత్సవాల నిర్వహణపై రివ్యూ చేశారు. జిల్లాలోని 6 మున్సిపాలిటీలకు 40 వేల జెండాలు, 421 పంచాయతీలకు మిగిలిన జెండాలు పంపిణీ చేశామన్నారు. ఫ్లాగ్ కోడ్ సంపూర్ణంగా అమలయ్యేలా చూడాలని ఆఫీసర్లకు సూచించారు. బుధవారం నిర్వహించే వన మహోత్సవంలో 75 అక్షరం వచ్చే విధంగా మొక్కలు నాటాలన్నారు. ఈ కార్యక్రమంలో ప్రతి ఒక్కరికి భాగస్వామ్యం కల్పించాలని కలెక్టర్ సూచించారు. స్కూల్స్లో దేశ భక్తి గీతాలపై పాటల పోటీలు నిర్వహించాలని ఆదేశించారు. అనంతరం రోటరీ క్లబ్ ఆధ్వర్యంలో స్కూల్ పిల్లలకు, పేద మహిళలకు సైకిళ్లు, కుట్టు మెషిన్లు పంపిణీ చేశారు.
మహాత్మా గాంధీ సినిమా చూసిన కలెక్టర్
వజ్రోత్సవాల్లో భాగంగా బుధవారం జిల్లాలోని పలు థియేటర్లలో ‘గాంధీ’ సినిమా ప్రదర్శించారు. ఈ సినిమాను కలెక్టర్ పమేలా సత్పతి, అడిషనల్ కలెక్టర్ దీపక్ తివారి, డీఈవో కే నారాయణరెడ్డి, టీచర్లతో పాటు 3,586 మంది స్టూడెంట్లు గాంధీ సినిమాను చూశారు. వజ్రోత్సవాలను ఘనంగా నిర్వహిస్తాం
సూర్యాపేట, వెలుగు: స్వాతంత్ర్య వజ్రోత్సవాలను ఘనంగా నిర్వహించాలని, ఇంటింటికి జాతీయ జెండాల పంపిణీ కార్యక్రమం స్పీడప్ చేయాలని కలెక్టర్ వినయ్ కృష్ణా రెడ్డి అధికారులను ఆదేశించారు. జిల్లా కేంద్రంలోని మున్సిపల్ ఆఫీస్లో కలెక్టర్ మున్సిపల్చైర్మన్తో కలిసి జాతీయ జెండాలను పంపిణీ చేశారు. అనంతరం మొదటి రోజు కార్యక్రమంలో భాగంగా డీఈవో ఆధ్వర్యంలోజిల్లాలోని సినిమా థియేటర్ లో స్టూడెంట్లకు గాంధీ సినిమాను ప్రదర్శించారు. అడిషనల్ కలెక్టర్ పాటిల్ హేమంత్ కేశవ్, మోహన్ రావు, ఆర్డీవో రాజేంద్ర కుమార్, కమిషనర్ బి.సత్య నారాయణ రెడ్డి పాల్గొన్నారు.
