- మూసీ కంటే ముందు పీసీబీని ప్రక్షాళన చేయాలి
- ఎన్విరాన్మెంట్ సోషల్ వర్కర్ పీఎల్ఎన్రావు సూచన
ఖైరతాబాద్, వెలుగు: కాంగ్రెస్ప్రభుత్వం తీసుకువచ్చిన హైడ్రాను అందరూ స్వాగతించాల్సిందేనని ఎన్విరాన్మెంట్సోషల్ వర్కర్ పి.ఎల్.ఎన్.రావు చెప్పారు. శుక్రవారం ఆయన సోమాజిగూడ ప్రెస్క్లబ్లో మీడియాతో మాట్లాడారు. చెరువులు, కుంటలు ఆక్రమించి చేపట్టిన ఇండ్లు, ఇతర నిర్మాణాలను తొలగించడంలో తప్పు లేదన్నారు. ఇటీవల చెన్నై, ఇతర రాష్ట్రాల్లో వరదలకు కాలనీలు మునిగాయని, మనకు ఆ పరిస్థితి రాక ముందే మేల్కోవాలన్నారు.
మూసీ ప్రక్షాళన కంటే ముందు పీసీబీ ప్రక్షాళనపై సీఎం రేవంత్రెడ్డి దృష్టి పెట్టాలన్నారు. పటాన్చెరు, జీడిమెట్ల పారిశ్రామికవాడల్లోని పరిశ్రమల నుంచి వెలువడే వ్యర్థాలను పూర్తిస్థాయిలో శుద్ధి చేయడం లేదన్నారు. నేరుగా నాలాల ద్వారా మూసీలోకి చేరుతున్నాయన్నారు.
మల్లాపూర్ట్రీట్మెంట్ప్లాంట్లో శుద్ధి చేయకుండా నాలా ద్వారా ఉప్పల్ చెరువులోకి రిలీజ్చేస్తున్నారని మండిపడ్డారు. ఫ్యాక్టరీల యాజమాన్యంతో అధికారులు కుమ్మక్కయ్యారని ఆరోపించారు. న్యాయవాది కరణం రాజేశ్కుమార్, బి.రాజారాంసింగ్, జాలా మల్లేశ్ యాదవ్, సీహెచ్లింగారెడ్డి పాల్గొన్నారు.
