- ప్రారంభించిన ఈవో రమాదేవి
- సన్ టెక్నాలజీస్ తో 25 ఏండ్ల ఒప్పందం
భద్రాచలం, వెలుగు : తెలంగాణ రాష్ట్రంలో తొలి సోలార్ వెలుగుల దేవాలయంగా భద్రాచలం శ్రీసీతారామచంద్రస్వామి దేవస్థానం రికార్డులకెక్కింది. సన్ టెక్నాలజీస్ ప్రైవేట్లిమిటెడ్ సంస్థతో 25 ఏండ్ల ఒప్పందంతో రూ.2 కోట్ల వ్యయంతో ఏర్పాటు చేసిన ప్రాజెక్ట్ పూర్తి కావడంతో శుక్రవారంఈవో రమాదేవి పూజలు చేసి ప్రారంభించారు. తర్వాత ప్రాజెక్ట్ ను పరిశీలించారు. ఈ సందర్భంగా ఆమె మాట్లాడుతూ సోలార్ప్రాజెక్టుతో రామాలయంతో పాటు, కాటేజీలు, గదులకు విద్యుత్ సరఫరా చేయవచ్చన్నారు.
యూనిట్కు రూ.5.20 లను సన్టెక్నాలజీస్కు చెల్లిస్తామని, దీని వల్ల నెలకు సుమారు రూ.1.50 లక్షల వరకు విద్యుత్బిల్లు ఆదా అవుతుందన్నారు. ప్రాజెక్టు నిర్వహణ బాధ్యతలు మొత్తం ఒప్పందం ప్రకారం సంస్థనే భరిస్తుందని వివరించారు. ఏఈవో శ్రావణ్కుమార్, ఈఈ రవీందర్, సన్ టెక్నాలజీస్ ఇంజనీర్ వెంకట్పాల్గొన్నారు.
