EPFO అకౌంట్‌ను ట్రాన్స్‌ఫర్‌ చేసుకోవడం ఈజీ

EPFO ఖాతాదారులకు కేంద్ర ప్రభుత్వం గుడ్ న్యూస్ చెప్పింది. ఎంప్లాయ్‌ ప్రావిడెంట్‌ ఫండ్‌ అకౌంట్‌(EPFO)ను ఈజీగా ట్రాన్స్‌ఫర్‌ చేసుకునే సదుపాయాన్ని అందుబాటులోకి తెచ్చింది. ఉద్యోగి ఒక సంస్థ నుంచి మరో సంస్థకు మారినప్పుడు EPFO మార్చుకోవాలి. ఈ పద్దతి ఉద్యోగులకు ఇబ్బందులు కలిగించేలా ఉండేది. అకౌంట్‌ను ట్రాన్స్‌ఫర్‌ చేయించుకోవడంతో పాటు డబ్బుల్ని విత్‌ డ్రాల్‌ చేసుకోవడం మరింత కష్టతరంగా మారింది. ఇప్పుడు ఆ సమస్యను పరిష్కరిస్తూ కేంద్రం ఎంప్లాయి ప్రావిడెంట్‌ ఫండ్‌ ఆర్గనైజేషన్‌ కొత్త మార్గదర్శకాల్నిఅందుబాటులోకి తెచ్చింది. ఆ ప్రొసీజర్ ఫాలో అయితే చాలు ఈజీగా ఉద్యోగులు EPFOను మార్చుకోవచ్చు. రిజిస్టర్డ్ మొబైల్ నంబర్ యాక్టివ్‌గా ఉండాలి. అకౌంట్‌ హోల్డర్‌  అంతకు ముందు లేదా ప్రస్తుత సంస్థ EPFOలో డిజిటల్ రిజిస్టర్డ్  సంతకాలు కలిగి ఉండాలి. ఇది కాకుండా బ్యాంక్ కేవైసీ సరిగ్గా ఉందో? లేదో? చెక్‌ చేసుకోవాలి. ఆ తర్వాతనే అకౌంట్‌ను ట్రాన్స్‌ఫర్‌ చేసుకోవచ్చు.    
      
.. ఉద్యోగులు ముందుగా https://unifiedportal-mem.epfindia.gov.in/memberinterface/ వెబ్‌ సైట్‌ను ఓపెన్‌ చేయాలి.
.. ఓపెన్‌ చేసి UAN (Universal Account Number),పాస్‌వర్డ్‌ను టైప్‌ చేసి ఎంటర్‌ బటన్‌ ను క్లిక్‌ చేయాలి.
 .. క్లిక్‌ చేసిన వెంటనే మనకు ఆన్‌ లైన్‌ సర్వీస్‌ ఆప్షన్‌ కనిపిస్తుంది. ఆ ఆప్షన్‌ను క్లిక్‌ చేసి'వన్‌ మెంబర్‌- వన్‌ ఈపీఎఫ్‌ అకౌంట్‌పై క్లిక్‌ చేసి ట్రాన్స్‌ఫర్‌ రిక్వెస్ట్‌ పెట్టుకోవాలి
.. రిక్వెస్ట్‌ తర్వాత గెట్‌ డీటెయిల్స్‌ ఆప్షన్‌ పై ట్యాప్‌ చేయాలి. 
.. గెట్‌ డీటెయిల్స్‌ ఆప్షన్‌ క్లిక్‌ చేస్తే మీరు పాత సంస్థ EPFO వివరాలు డిస్‌ ప్లే అవుతాయి.  
.. ఆ తర్వాత ట్రాన్స్‌ ఫర్‌ చేసుకునేందుకు ధృవీకరణ ఫారం కోసం అంతకు ముందు పనిచేసిన సంస్థ లేదా ప్రస్తుత సంస్థ ఆప్షన్‌ను ఎంచుకోవాలి. 
.. ఆ తర్వాత UAN రిజిస్ట్రర్డ్‌ మొబైల్‌ నెంబర్‌ కు ఓటీపీ వస్తుంది.  
.. మొబైల్‌ నెంబర్‌కు వచ్చిన OTPని ఎంటర్‌ చేసి సబ‍్మిట్‌ బటన్‌ పై క్లిక్‌ చేయాలి. అలా క్లిక్‌ చేస్తే చాలు మీ అకౌంట్‌ ట్రాన్స్‌ఫర్‌ వెరిఫికేషన్‌ వెళ్తుంది. ఆ తర్వాత ట్రాన్స్‌ఫర్‌ అవుతుంది.