ఎప్లాయీస్ ప్రావిడెంట్ పండ్ ఆర్గనైజేషన్ (EPFO) డిపాజిట్లపై వడ్డీరేటును పెంచింది. 8.15 శాతం ఉన్న వడ్డీ రేటును 8.25 శాతానికి పెంచింది. అంతకుముందు మార్చి 2023లో 2021-22లో ఉన్న 8.10 శాతం వడ్డీరేటును 2022-23 కి గాను 8.15 శాతానికి పెంచింది. అయితే మార్చి 2022లో EPFO 2020-21లో 8.5 శాతం ఉన్న వడ్డీరేటును 2021-22కి గాను EPF పై నాలుగు దశాబ్దాల కనిష్ట స్థాయి 8.1 శాతానికి తగ్గించింది. EPF వడ్డీరేటు 8 శాతంగా 1977-78 తర్వాత ఇది అతి తక్కువ. 2020-21 కి EPF డిపాజిట్లపై 8.5 శాతం వడ్డీరేటును CBT మార్చి 2021లో నిర్ణయించింది.
CBT నిర్ణయం తర్వాత 2023-24 EPF డిపాజిట్లప వడ్డీరేటు ఆమోదించేందుకు ఆర్థిక మంత్రిత్వ శాఖకు పంపబడుతుంది. ఆర్థిక మంత్రిత్వ శాఖ ద్వారా ప్రభుత్వం ఆమోదించినతర్వాత మాత్రమే EPFO వడ్డీ రేటును అందిస్తుంది. 2023-24 కోసం EPF వడ్డీరేటు EPFO ఆరు కోట్ల మంది సబ్ స్క్రైబర్ల ఖాతాల్లో జమ చేయబడుతుంది. EPFO తన చందాదారులకు 2016-17లో 8.65శాతం వడ్డీరేటును 2018-19లో 8.55 శాతం వడ్డీరేటును అందించింది. 2015-16లో అత్యధికంగా వడ్డీరేటును 8.50 శాతం అందించింది. అయితే 2019-20లో ఏడేళ్ల కనిష్ట స్థాయి 8.5 శాతానికి వడ్డీరేటును తగ్గించింది.
