- బీఆర్ఎస్చెట్టును ఎలా మొలవన్వవో చూస్తం: మాజీ మంత్రి ఎర్రబెల్లి
హైదరాబాద్: సీఎం రేవంత్రెడ్డి నన్ను రాక్షసుడు అంటున్నారని.. తాను ప్రజల కోసం పని చేసే రాక్షసుడినేనని మాజీ మంత్రి ఎర్రబెల్లి దయాకర్ రావు అన్నారు. సీఎం వ్యాఖ్యలపై మాజీ మంత్రి ఫైర్అయ్యారు. తాను ప్రజల మద్దతు, ఆశీర్వాదంతో ఏడుసార్లు ఎమ్మెల్యేగా గెలిచారన్నారు. వరంగల్లో మీడియాతో ఆయన మాట్లాడారు.
‘కేసీఆర్ మర్రిచెట్టు.. నువ్వు గంజాయి మొక్క. బీఆర్ఎస్ చెట్టును ఎలా మొలవనవ్వవో మేము చూస్తాం. నిన్న రేవంత్ రెడ్డి ప్రజలకు ఏదో చేస్తాడని ఆశ ఉండే. అబద్ధాలు, ప్రమాణాలు చేసి రేవంత్ అధికారంలోకి వచ్చాడు. తెలంగాణ కోసం నువ్వేం చేశావ్.. రాష్ట్రం కోసం టీడీపీలో ఉన్న అందరం రాజీనామా చేస్తే రిజైన్చేయకుండా కాంగ్రెస్కు వెళ్లావ్.. ఉద్యమ ద్రోహి.. నువ్వు చేసేవన్ని కేసీఆర్ పథకాలే. ప్రజలు కాదు కోటీశ్వరులు అయ్యేది నీ బంధువులే. నిన్న మీ మీటింగ్ కు మంత్రులు ఎందుకు రాలేదు.? రాహుల్ గాంధీ, సోనియా గాంధీ నీకు అపాయింట్ మెంట్ ఇస్తున్నారా? కాంగ్రెస్ వాళ్లే నీ పదవి ఊడగొడతారు. కాళోజీ కళాక్షేత్రం మేము నిర్మిస్తే.. మీరు ఓపెన్ చేశారు. బాబ్లీ ప్రాజెక్టు ఉద్యమంతో మేం తన్నులు తింటే.. నువ్వు తప్పించుకున్నావ్’ అని ఎర్రబెల్లి అన్నారు.
