సుమన్ బాబు హీరోగా నటిస్తూ, దర్శక నిర్మాతగా రూపొందించిన చిత్రం ‘ఎర్రచీర’. కారుణ్య చౌదరి హీరోయిన్. నటుడు రాజేంద్ర ప్రసాద్ మనవరాలు బేబీ సాయి తేజస్విని ముఖ్య పాత్ర పోషిస్తోంది. డిసెంబర్ 20న సినిమా రిలీజ్ చేయనున్నట్టు ప్రకటించారు. తాజాగా గ్లింప్స్‌‌‌‌‌‌‌‌ను విడుదల చేశారు. ఈ కార్యక్రమానికి దర్శక నిర్మాత తమ్మారెడ్డి భరద్వాజ, నిర్మాత అంబికా కృష్ణ హాజరై సినిమా విజయం సాధించాలని కోరారు.
సుమన్ మాట్లాడుతూ ‘మదర్ సెంటిమెంట్, హారర్ యాక్షన్‌‌‌‌‌‌‌‌తో పాటు ఈ కథలో డివోషనల్ టచ్ కూడా ఉంటుంది. 22 పాత్రలతో పాటు ఎర్రచీర కూడా 23వ పాత్ర పోషిస్తుంది. 45 నిమిషాలు గ్రాఫిక్స్ ఉంటాయి. దీనికి సీక్వెల్ కూడా ప్లాన్ చేస్తున్నాం’ అని చెప్పాడు. ఇందులోని మదర్ సెంటిమెంట్ అందర్నీ ఆకట్టుకుంటుందని హీరోయిన్ కారుణ్య చౌదరి చెప్పింది. మ్యూజిక్ డైరెక్టర్ ప్రమోద్ పులిగార్లతో పాటు నటీనటులు పాల్గొన్నారు.
