హైదరాబాద్, వెలుగు: రాష్ట్రంలోని బీటెక్, బీఫార్మసీ కోర్సుల్లో లాటరల్ ఎంట్రీ ద్వారా రెండో సంవత్సరంలో అడ్మిషన్ల కోసం నిర్వహించిన టీఎస్ఈసెట్ ఫస్ట్ ఫేజ్ సీట్లను అధికారులు అలాట్ చేశారు. ఫస్ట్ ఫేజ్లో మొత్తం 8982 మందికి సీట్లు కేటాయించారు. ఇంజినీరింగ్ స్ర్టీమ్ లో 8951 మంది ఉండగా, ఫార్మసీ స్ర్టీమ్ లో 31 మంది ఉన్నారు. రాష్ట్రవ్యాప్తంగా 169 ఇంజినీరింగ్ కాలేజీల్లో 12785 సీట్లు ఉండగా, వాటిలో 8951 (70%) నిండాయి. 121 ఫార్మసీ కాలేజీల్లో 1180 సీట్లు ఉంటే, దాంట్లో కేవలం 31 (2.6%) మాత్రమే కేటాయించారు. ఈసెట్ వెబ్ కౌన్సెలింగ్ లో 12703 మంది వెబ్ ఆప్షన్లు ఇచ్చినా.. 3773 మందికి సీట్లు అలాట్ కాలేదు. సీట్లు పొందిన విద్యార్థులు ఈ నెల 21లోగా సెల్ఫ్ రిపోర్టు చేయాలని అధికారులు సూచించారు.
