హైదరాబాద్లో హైడ్రా పోలీస్ స్టేషన్ ఏర్పాటైంది. బుద్ధభవన్లో హైడ్రా పోలీస్ స్టేషన్ను ఏర్పాటు చేశారు. ఈ మేరకు రాష్ట్ర హోంశాఖ మంగళవారం (జనవరి 7) ఉత్తర్వులు జారీ చేసింది. ప్రభుత్వ స్థలాలు, నాళాలు, చెరువులు, కుంటలు కబ్జా చేసిన వారిపై ఇక నుండి హైడ్రా పీఎస్లో కేసులు నమోదు చేయనున్నారు. హైడ్రా పీఎస్కు కావాల్సిన సిబ్బందిని కేటాయించాలని డీజీపీకి హోంశాఖ ఆదేశాలు జారీ చేసింది. హైడ్రా పోలీస్ స్టేషన్ హౌస్ ఆఫీసర్గా ఏసీపీ స్థాయి అధికారి ఉంటారని హోంశాఖ ఉత్తర్వుల్లో పేర్కొంది.
ALSO READ | మార్చి నెలాఖ‌రు వరకు మెట్రోల డీపీఆర్లు పూర్తి చేయాలి : సీఎం రేవంత్ రెడ్డి
కాగా, గ్రేటర్ హైదరాబాద్ పరిధిలోని ప్రభుత్వ స్థలాలు, నాళాలు, చెరువులు, కుంటల పరిరక్షణ కోసం ప్రభుత్వం ప్రతిష్టాత్మకంగా హైడ్రాను ప్రవేశపెట్టిన విషయం తెలిసిందే. ఇప్పటికే హైడ్రాకు ప్రత్యేకాధికారాలు కల్పించిన సర్కార్.. తాజాగా సపరేట్గా హైడ్రా పోలీస్ స్టేషన్ను ఏర్పాటు చేసింది. ఇక నుండి గ్రేటర్ హైదరాబాద్ పరిధిలో కబ్జా వ్యవహారాలన్నీ హైడ్రా డీల్ చేయనుంది.
