టీ20 క్రికెట్‌లో సంచలనం.. 27 బంతుల్లోనే అనామక క్రికెటర్ సెంచరీ

ఈస్టోనియా.. ఉత్తర ఐరోపాకు చెందిన బాల్టిక్ ప్రాంతంలోని ఒక దేశమిది. వీరు క్రికెట్ ఆడతారని బయటి ప్రపంచానికే తెలియదు. అలాంటిది ఆ జట్టు ఆటగాడు.. అగ్రశ్రేణి క్రికెటర్లు సైతం తన వైపు చూసేలా టీ20 క్రికెట్‌‌లో సరికొత్త రికార్డు నెలకొల్పాడు. 27 బంతుల్లోనే సెంచరీ చేసి టీ20 క్రికెట్‌ చరిత్రలో వేగవంతమైన సెంచరీ సాధించిన ఆటగాడిగా రెకార్డుల్లోకెక్కాడు.

ప్రస్తుతం ఈస్టోనియా- సిప్రస్‌ జట్ల మధ్య ఆరు మ్యాచ్‌ల టీ20 సిరీస్‌ జరుగుతోంది. అందులో భాగంగా సోమవారం( జూన్ 17) రెండో టీ20 జరగ్గా.. సాహిల్ చౌహాన్ ఈ ఘనత సాధించాడు. తొలుత బ్యాటింగ్‌ చేసిన సిప్రస్ నిర్ణీత ఓవర్లలో 191 పరుగులు చేసింది. లక్ష్యాన్ని ఛేదించే క్రమంలో టాఫార్డర్ విఫలమవడంతో ఈస్టోనియాకు మంచి ఆరంభం లభించలేదు. ఆ సమయంలో క్రీజులోకి వచ్చిన సాహిల్ చౌహాన్ ఆకాశమే హద్దన్నట్లు చెలరేగిపోయాడు. 41 బంతుల్లో 6 ఫోర్లు, 18 సిక్సర్ల సాయంతో 144 పరుగులతో నౌటౌట్‌గా నిలిచాడు. అతని ధాటికి ఈస్టోనియా 4 వికెట్లు మాత్రమే కోల్పోయి, 42 బంతులు మిగిలివుండగానే లక్ష్యాన్ని చేధించింది.

Estonia's Sahil Chauhan scored the fastest T20I ton off just 27 balls against Cyprus.

He smashed 144 runs in just 41 balls.#T20WorldCup pic.twitter.com/P1PgWPRrjN
— Abdullah Neaz🏏 (@cric___guy) June 17, 2024