హైదరాబాద్, వెలుగు: రాష్ట్రంలో విద్యాభివృద్ధికి ఉపాధ్యాయ సంఘాలు కీలక పాత్ర పోషించాలని స్కూల్ ఎడ్యుకేషన్ డైరెక్టర్ ఈవీ నర్సింహారెడ్డి కోరారు. సంఘాల నేతలు కేవలం టీచర్ల సమస్యలపైనే కాకుండా.. మారుతున్న సమకాలిన పరిస్థితులకు అనుగుణంగా బోధనా నైపుణ్యాలను పెంపొందించుకోవాలని సూచించారు. హైదరాబాద్ దోమలగూడలోని పీవీఆర్ కన్వెన్షన్ హాల్లో పీఆర్టీయూటీఎస్స్టేట్ జనరల్ సెక్రటరీ బీరెల్లి కమలాకర్ రావు రిటైర్మెంట్ సన్మాన కార్యక్రమం జరిగింది.
ఈ కార్యక్రమానికి ఈవీ నర్సింహారెడ్డి ముఖ్యఅతిథిగా హాజరై, మాట్లాడారు. విద్యారంగానికి కమలాకర్ రావు విశిష్టమైన సేవలందించారని ప్రశసించారు. ఈ కార్యక్రమంలో సంఘం రాష్ట్ర అధ్యక్షుడు పింగిలి శ్రీపాల్ రెడ్డి, మాజీ ఎమ్మెల్సీలు మోహన్ రెడ్డి, పూల రవీందర్, టీచర్ల సంఘాల నేతలు సదానందం గౌడ్, లింగారెడ్డి పాల్గొన్నారు.
