హైదరాబాద్, వెలుగు : వరదల టైంలో తమకు తాము ఎలా రక్షించుకోవాలనే అంశాలపై జీహెచ్ఎంసీలోని ఈవీడీఎం అధికారులు ముంపు ప్రాంతాల వారికి శిక్షణ ఇస్తున్నారు. 2020 వరదల సమయంలో ఇబ్బందులు పడిన ప్రాంతాల్లోని యువతీయువకులకు ఉచిత శిక్షణ ఇస్తున్నారు. ఈ నెల 10న 120 మందికి, శనివారం మరో 224 మందికి శిక్షణ ఇచ్చారు. ఇప్పటి వరకు శిక్షణ పొందిన వారిలో ఎక్కువగా యూత్
ఎన్జీఓల సభ్యులు ఉన్నారు. శిక్షణ తీసుకున్నవారు వలంటీర్లుగా పనిచేసేందుకు ముందుకురావాలని బల్దియా అధికారులు కోరుతున్నారు. నాగోలులోని డీఆర్ఎఫ్ ట్రైనింగ్ సెంటర్ లో శిక్షణ కొనసాగుతోంది. మధ్యాహ్న భోజనం అందిస్తున్నారు. శిక్షణ తీసుకునేందుకు ఇంట్రెస్ట్ ఉన్నవారు 79816 65687లో సంప్రదించవచ్చని సూచించారు.
