మరికల్, వెలుగు: వైకుంఠధామం పనులు పూర్తి చేసి రెండేండ్లు కావస్తున్నా బిల్లులు ఇవ్వడం లేదని మండల సర్వసభ్య సమావేశంలో మరికల్ సర్పంచ్ కె.గోవర్దన్ నిలదీశారు. గురువారం ఎంపీడీవో ఆఫీసులో ఎంపీపీ శ్రీకళ అధ్యక్షతన మండల సర్వసభ్య సమావేశం నిర్వహించారు. ఈ సందర్భంగా ఆయన మాట్లాడుతూ రూ. 5 లక్షలు అప్పులు తెచ్చి పనులు పూర్తి చేశానని, బిల్లులు ఇవ్వడం లేదని ఆయన వాపోయాడు. ఆన్లైన్లో బిల్లులు సబ్మిట్ చేశామని పై నుంచి రాలేదని ఏఈ సమాధానం ఇచ్చారు.
వడ్లు అమ్మిన డబ్బులు రైతులకు రావడం లేదని సర్పంచ్ ఆంజనేయులు నిలదీశారు. వైస్ ఎంపీపీ రవికుమార్, రైతుబంధు అధ్యక్షుడు సంపత్కుమార్, తీలేరు పీఏసీఎస్ అధ్యక్షులు రాజేందర్గౌడ్, ఎంపీడీవో యశోదమ్మ పాల్గొన్నారు.
