శివ్వంపేట, వెలుగు: గ్రామాల్లో లక్షలు పెట్టి డంపు యార్డులు నిర్మించినా చెత్తను పాత బావులలో పారబోస్తున్నారు. మండలంలోని కొంతాన్ పల్లి గ్రామంలో ఆదివారం గ్రామంలో సేకరించిన చెత్తను రోజు మాదిరిగానే గ్రామ పంచాయతీ ట్రాక్టర్ లో నింపుకుని గ్రామ శివారులో ఉన్న బావిలో పారబోసే క్రమంలో ట్రాక్టర్ అదుపుతప్పి బావిలోకి దూసుకెళ్లింది. ట్రాలీ బావిలోకి వెళ్లగా, ఇంజన్ పైకి లేచింది. వెంటనే అప్రమత్తమైన డ్రైవర్ ట్రాక్టర్ పైనుంచి దూకేశాడు. దీంతో అతడికి ప్రమాదం తప్పింది.
