- రేపు వందలకొద్దీ ఈవెంట్లు
- ఉర్రూతలూగించనున్న సెలబ్రెటీస్
- స్టెప్పులేయించనున్న డీజేలు రెయిన్డ్యాన్స్, టేస్టీ ఫుడ్, జాయ్ ఫుల్ గేమ్స్
- రూ. 99 నుంచి 40వేల వరకూ టికెట్ల రేట్లు
హైదరాబాద్ సిటీ, వెలుగు: రంగుల పండగకు సిటీ జనం రెడీ అవుతున్నారు. గల్లీల్లో రంగులు చల్లుకునుడు కామనే అయినా..కొంతకాలంగా పబ్లిక్ఈవెంట్స్కు వెళ్లి ఫ్రెండ్స్, ఫ్యామిలీతో సెలబ్రేట్చేసుకొనే ట్రెండ్ఎక్కువవుతోంది. దీంతో సిటీలో ప్రతి హోలీకి ఈవెంట్ ఆర్గనైజర్స్ పోటీ పడుతూ వేడుకలు నిర్వహిస్తున్నారు. జనాలను రప్పించడానికి డిఫరెంట్థీమ్స్తో సెలబ్రేషన్స్ఆర్గనైజ్చేస్తున్నారు. ప్రైమ్ఏరియాలు, హోటల్స్, కన్వెన్షన్సెంటర్లు, గ్రౌండ్స్, క్లబ్స్, రిసార్ట్స్లలో ఈవెంట్స్నిర్వహిస్తున్నారు.
ఎక్స్క్లూజివ్ప్రీమియం ఏసీ లాంజ్లతో ఉదయం 8 గంటలకే మొదలుపెట్టి సాయంత్రం వరకు నిర్వహించనున్నారు. హోలీ ఆడుకోవడానికి అవసరమైన కలర్స్ తో పాటు లంచ్లోకి టేస్టీ ఫుడ్, లైవ్ బార్బెక్యూ స్పెషల్మెనూ, థండాయి, చిల్కావడానికి బేవరేజెస్ ఏర్పాట్లు చేసి ఆకట్టుకుంటున్నారు. సెలబ్రిటీస్, సింగర్స్ను తీసుకువచ్చి ప్రతి సెకన్ఎంజాయ్చేసేలా ప్లాన్చేస్తున్నారు. ఇలా సిటీలో ఈ నెల 14న సుమారు 200కు పైగా ఓపెన్ఎయిర్హోలీ ఈవెంట్స్జరగనున్నాయి. వీటికి రూ.వంద నుంచి మొదలుకుంటే ఫెసిలిటీస్ను బట్టి రూ.40వేల వరకూ టికెట్రేట్ఫిక్స్చేశారు.
ఓపెన్ ఎయిర్, ఆర్గానిక్ కలర్స్
ఇప్పుడు హోలీ వేడకలు అన్నీ ఓపెన్ఎయిర్లోనే నిర్వహిస్తున్నారు. లుక్ రావడానికి ఆకట్టుకునే స్టేజ్లను ఏర్పాటు చేస్తున్నారు. ఎంతదూరంలో ఉన్నా సెలబ్రిటీలు కనిపించేలా పెద్ద పెద్ద స్క్రీన్స్ఏర్పాటు చేస్తున్నారు. డీజే వినిపించేలా చెవులు చిల్లులు పడే భారీ సౌండ్బాక్సులను సిద్ధం చేస్తున్నారు. అలాగే కెమికల్కలర్స్తో స్కిన్కు ఎఫెక్ట్అవుతుందంటూ ఆర్గానిక్ కలర్స్ప్రిఫర్చేస్తున్నారు. దీంతో సిటీ యూత్ఎక్కువగా ఇలాంటి వాటికి అట్రాక్ట్ అవుతోంది.
ఫేమస్ డీజేలతో..
వేడుక ఏదైనా మ్యూజిక్లేకపోతే బోరింగ్గా ఉంటుంది. హోలీ అయితే ఈవెంట్స్లో డీజే లేకపోతే ఏదో వెలితిగా అనిపిస్తుంది. ఇక ఓపెన్ఎయిర్లో మ్యూజిక్కు స్టెప్పులు వేయాలంటే ఖచ్చితంగా పేరుమోసిన డీజే ఉండాల్సిందే.. అందుకే ఈవెంట్ఆర్గనైజర్స్ఇండియా వైడ్గా ఫేమస్డీజేలను హోలీ ఈవెంట్స్కోసం బుక్చేస్తున్నారు. ప్రచారం కూడా అదే విధంగా చేస్తుండడంతో టికెట్స్హాట్కేకుల్లా అమ్ముడైపోతున్నాయి.
సెలబ్రిటీస్ ఉండాల్సిందే..
మ్యూజిక్, డ్యాన్స్ఓకే...మరి మనకు నచ్చిన సెలబ్రిటీస్తో సెలబ్రేషన్స్చేసుకుంటే ఆ కిక్కే వేరుగా ఉంటుంది. అందుకే ఆర్గనైజర్స్పోటీపడి మరీ సెలబ్రిటీస్ను తమ ఈవెంట్స్కు బుక్చేస్తున్నారు. ఈసారి సిటీలో జరిగే ఈ ఈవెంట్లకు కాజల్ అగర్వాల్తో పాటు హెబ్బా పటేల్, నిధి అగర్వాల్, అనసూయ భరద్వాజ్, మాల్వీ మల్హోత్రాలాంటి తారలతో పాటు సింగర్స్మంగ్లీ, నోయల్, రాధాకృష్ణలో కృష్ణుడిగా మెప్పించిన సుమేధ్ముద్గాల్కర్, రానున్నారు. ఈ వెంట్లకు సంబంధించి టికెట్లు బుక్మై షోతో పాటు ఇతర వెబ్ సైట్లలో అందుబాటులో ఉన్నాయి.
రోడ్లపై హోలీ ఆడితే కేసులే..
హోలీ పండుగ నాడు పోలీసులు పలు ఆంక్షలు విధించారు. రోడ్లపై హోలీ ఆడితే కేసులు నమోదు చేస్తామని స్పష్టం చేశారు. పబ్లిక్ ప్లేసుల్లో హోలీ ఆడడం, తెలియని వ్యక్తులపై రంగులు చల్లడం, అసౌకర్యం కలిగించడం, వాహనాలపై రంగులు వేయడం నేరమన్నారు. ఈ ఆంక్షలు 14వ తేదీ ఉదయం 6 గంటల నుంచి 15వ తేదీ ఉదయం 6 గంటల వరకు ఆంక్షలు అమలులో ఉంటాయన్నారు.
ఇవీ ఈవెంట్స్..
ఉదయం నుంచి సాయంత్రం వరకు నిర్వహించే సెలబ్రేషన్స్లో గేమ్స్ ఉంటే ఆ ఫన్వేరుగా ఉంటుంది. దీంతో ఈవెంట్ఆర్గనైజర్స్వినూత్న గేమ్స్నిర్వహిస్తున్నారు. మడ్బాత్, టొమాటో ఫైట్, రెయిన్డ్యాన్స్, లైవ్ సింగింగ్, బెలూన్ఛాలెంజ్, స్ప్లాష్సెలబ్రేషన్స్, ట్రెడిషనల్ధోల్, బ్యాండ్స్, ఎక్స్ క్లూజివ్కిడ్స్ఎరీనా, స్కై కలర్షాట్స్అంటూ రకరకాల గేమ్స్కండక్ట్ చేయబోతున్నారు.
హోలీ వేవ్
ప్లేస్: హైటెక్స్ క్రికెట్ గ్రౌండ్, హైటెక్ సిటీ
సెలబ్రిటీస్: అనసూయ,
నిధి అగర్వాల్, విశ్వక్సేన్
ఎంట్రీ ఫీ: రూ.249 నుంచి..
గోల్డ్ టేబుల్(12 మందికి):
రూ.40 వేలు
హోలీ నేషన్
ప్లేస్: హెచ్ఐజీలోని
మ్యాన్ మేడ్ హిల్ ఏరియా
సెలబ్రిటీ: కాజల్ అగర్వాల్, డీజే వినిష్, ఉమేశ్
ఎంట్రీ ఫీ: రూ.199 నుంచి మొదలు;15 మందికి కలిపి రూ.39,999
రంగీన్ ఉత్సవ్2.0
ప్లేస్: ఎల్బీ స్టేడియం
సెలబ్రిటీ: మంగ్లీ, డీజే డైనమిక్
ఎంట్రీ ఫీ: 399 నుంచి మొదలు..;10 మందికి 30 వేల వరకు
సెలబ్రెటీ హోలీ
ప్లేస్: ఫ్లిప్ సైడ్ అడ్వెంచర్ పార్క్
సెలబ్రిటీ: హెబ్బా పటేల్
ఎంట్రీ ఫీ: రూ.99 నుంచి 2,499 వరకు
బృందావన్ హోలీ
ప్లేస్: పీపుల్స్ ప్లాజా
సెలబ్రిటీ : సుమేధ్మడగాల్కర్
ఎంట్రీ ఫీ: రూ.199
నుంచి మొదలు;
10 మందికి 4,799 వరకు
రంగీన్ హైదరాబాద్
ప్లేస్: గచ్చిబౌలి నేషనల్ఇనిస్టిట్యూట్
ఆఫ్ టూరిజం గ్రౌండ్
సెలబ్రిటీస్: సింగర్ నోయల్, డీజే నిహారిక, డీజే ఫాల్గున్
ఎంట్రీ ఫీ: రూ.199 నుంచి రూ.2,299 వరకు
