- మంత్రి దుద్దిళ్ల శ్రీధర్ బాబు
ఇబ్రహీంపట్నం, వెలుగు: ప్రజలకు ఇచ్చిన హామీలను ఒక్కొక్కటిగా నెరవేరుస్తున్నామని రాష్ట్ర ఐటీ శాఖ మంత్రి దుద్దిళ్ల శ్రీధర్ బాబు అన్నారు. మహేశ్వరం నియోజకవర్గంలోని జల్ పల్లి, తుక్కుగూడ, బడంగ్పేట్తోపాటు కందుకూరులో పలు అభివృద్ధి పనులకు శనివారం ఆయన శంకుస్థాపన చేశారు. తొలుత జల్పల్లి, బడంగ్పేట్లో పీహెచ్సీలు, సీసీ రోడ్డు పనులను ప్రారంభించారు.
అనంతరం కందుకూరులో నెదునూర్ నుంచి మద్దెలకుంట తండా వరకు రూ.8 కోట్ల వ్యయంతో నిర్మించనున్న బీటీ రోడ్డు పనులకు శంకుస్థాపన చేశారు.పేదల సంక్షేమం, రైతులకు ఇచ్చిన హామీలను నెరవేర్చేందుకు సీఎం రేవంత్ రెడ్డి కృషి చేస్తున్నారన్నారు. కార్యక్రమంలో ఎమ్మెల్యే సబితా ఇంద్రారెడ్డి పాల్గొన్నారు.
