నందమూరి బాలకృష్ణ నటుడిగా 50 ఏళ్లు పూర్తి చేసుకుంటున్న సందర్భంగా స్వర్ణోత్సవ వేడుకలను ఘనంగా నిర్వహించేందుకు తెలుగు చలన చిత్ర పరిశ్రమ భారీ సన్నాహాలు చేస్తోంది. సెప్టెంబరు 1న హైదరాబాద్‌ నోవాటెల్‌లో బాలకృష్ణ 50 ఇయర్స్‌ సెలబ్రేషన్స్‌ నిర్వహించనున్నారు. ఈ వేడుకలకు కొంతమందికి ఆహ్వానాలు అందలేదని వస్తున్న వార్తలపై తెలుగు ఫిల్మ్ ఛాంబర్ ఆఫ్ కామర్స్ సమావేశం నిర్వహించి క్లారిటీ ఇచ్చింది.
బాలకృష్ణ 50 ఇయర్స్‌ వేడుకల్లో ఆర్టిస్టులు, టెక్నీషియన్లు, ప్రొడ్యూసర్లు, డైరెక్టర్లు ఇలా అందరూ పాలు పంచుకోనున్నట్లు నిర్వాహకులు తెలిపారు. యూనియన్ల ద్వారా సభ్యులందరికీ పీడీఎఫ్‌ రూపంలో ఆహ్వానాలు పంపినట్లు వెల్లడించారు. ఒకవేళ ఎవరికైనా ఇన్విటేషన్‌ అందకపోతే.. తెలుగు చిత్ర పరిశ్రమను తమ కుటుంబంలా భావించి, అందరూ రావాలని కోరారు. ఈ వేడుకకు హాజరుకాబోయే అతిథుల వివరాలను శనివారం వెల్లడించనున్నట్టు తెలిపారు.
తొలి చిత్రం తాతమ్మ కల
నందమూరి నటసింహం బాలకృష్ణ నటించిన తొలి చిత్రం 'తాతమ్మ కల'. ఈ మూవీ 1974 ఆగస్టు 30న విడుదలైంది. ఈ సందర్భంగా టాలీవుడ్ ఫిల్మ్ ఇండస్ట్రీ సెప్టెంబరు 1న స్వర్ణోత్సవాలను అంగ రంగ వైభవంగా నిర్వహించేందుకు సిద్ధమైంది.
