కోల్బెల్ట్/జైపూర్, వెలుగు: కాంగ్రెస్ ప్రభుత్వం ఆరు గ్యారంటీలను అందించేందుకు చేపట్టిన ప్రజా పాలన సభల్లో అర్హులైన ప్రతి ఒక్కరూ దరఖాస్తు చేసుకోవాలని చెన్నూరు ఎమ్మెల్యే డాక్టర్వివేక్వెంకటస్వామి సూచించారు. బుధవారం జైపూర్మండలంలోని బెజ్జల, పౌనూర్ గ్రామాల్లో నిర్వహించిన ప్రజాపాలనలో ఆయన కలెక్టర్బదావత్ సంతోష్తో కలిసి పాల్గొని మాట్లాడారు.
మిషన్భగీరథ ద్వారా నియోజకవర్గంలో ప్రతి ఇంటికీ నెల రోజుల్లో తాగునీరు ఇప్పిస్తానని హామీ ఇచ్చారు. కలెక్టర్ మాట్లాడుతూ.. కొత్త రేషన్ కార్డులకు కూడా దరఖాస్తులు చేసుకోవాలని సూచించారు. దరఖాస్తులు నింపేందుకు ఎవరైనా డబ్బులు డిమాండ్ చేస్తే తమ దృష్టికి తీసుకురావాలన్నారు.
ఈ సందర్భంగా పలువురు తమ సమస్యలపై వినతిపత్రాలు అందించగా ఎమ్మెల్యే, కలెక్టర్ స్వీకరించారు. ఎమ్మెల్యే వివేక్ వెంటకస్వామిని ఆఫీసర్లు, కాంగ్రెస్ లీడర్లు, స్థానికులు ఘనంగా సన్మానించారు. ఈ కార్యక్రమంలో డీఆర్డీవో శేషాద్రి, వెటర్నరీ జేడీ రమేశ్, ఏఓ మార్క్ గ్లాడ్స్టన్, ఎంపీడీవో సత్యనారాయణ, బెజ్జాల, పౌనూర్, టేకుమట్ల గ్రామ సర్పంచులు సారయ్య, గోపాల్, సుమలత, కాంగ్రెస్ లీడర్లు చల్లా సత్యనారాయణ, రిక్కుల శ్రీనివాస్ రెడ్డి, ఫయాజ్, చల్లా విశ్వంబర్రెడ్డి, పాపిరెడ్డి తదితరులు పాల్గొన్నారు.
వధూవరులకు వివేక్ ఆశీర్వాదం
జైపూర్ మండలం ఇందారం గ్రామంలో జరిగిన వైద్య నర్సయ్య, రమాదేవి దంపతుల కూతురు తేజస్విని–-రాజశేఖర్ వివాహ వేడుకలకు ఎమ్మెల్యే వివేక్ వెంకటస్వామి హాజరై నూతన వధూవరులను ఆశీర్వదించారు.
