బడంగ్ పేట్/జూబ్లీహిల్స్, వెలుగు: తన పెద్ద కొడుకు మంచు విష్ణు ఏ తప్పు చేయలేదని, అతనిపై మంచు మనోజ్చేస్తున్న ఆరోపణల్లో నిజం లేదని మోహన్బాబు భార్య, మనోజ్ తల్లి నిర్మల తెలిపారు. ఈ మేరకు ఆమె మంగళవారం పహడీషరీఫ్పోలీసులకు లెటర్ రాశారు. కొద్ది రోజుల కింద జనరేటర్లో విష్ణు చక్కెర పోసి కరెంట్ఆపేశాడని, తమను చంపాలని చూశాడని మనోజ్చేసిన ఆరోపణలు పచ్చి అబద్ధమని వెల్లడించారు. ఆ కాపీలను రాచకొండ కమిషనర్, మహేశ్వరం డీసీపీ, ఏసీపీలకు పంపించారు.
లెటర్లోని వివరాల ప్రకారం.. డిసెంబర్14న తన పుట్టిన రోజు సందర్భంగా పెద్ద కొడుకు విష్ణు జల్పల్లిలోని ఇంటికి కేక్ తీసుకువచ్చి తనతో కట్చేయించాడని నిర్మల చెప్పారు. తర్వాత అక్కడున్న అతడి సామన్లు తీసుకొని వెళ్లిపోయాడని వివరించారు. దీన్ని మనోజ్తప్పుగా ప్రచారం చేశాడన్నారు. జనరేటర్లో చక్కెర పోసినట్టు.. ఏదో సీసీ టీవీ ఫుటేజీ బయటపెట్టి.. లేనిపోని అభాండాలు వేసి పోలీస్ కంప్లయింట్ ఇచ్చాడని మండిపడ్డారు. ఇంట్లో పని చేసేవాళ్లు వర్క్ మానెయ్యడానికి విష్ణు ప్రమేయం ఏమీ లేదన్నారు. జల్పల్లిలోని ఇంట్లో మనోజ్కు ఎంత హక్కు ఉందో విష్ణుకు కూడా అంతే హక్కు ఉందన్నారు.
మోహన్బాబు పిస్టల్డిపాజిట్
ప్రముఖ నటుడు మోహన్బాబు తన లైసెన్సుడ్రివాల్వర్ను మంగళవారం ఫిల్మ్నగర్ పోలీసు స్టేషన్లో డిపాజిట్చేశారు. ఇటీవల కుటుంబ సభ్యల మధ్య తలెత్తిన వివాదం నేపథ్యంలో పోలీసులు గన్ను స్వాధీనం చేయాలని ఆయనకు నోటీసులిచ్చారు. దీంతో మోహన్బాబు ఒక గన్ను ఏపీలోని చంద్రగిరి పోలీసులకు స్వాధీనం చేశారు. పిస్టల్ను ఆయన కజిన్గజేంద్ర నాయుడు ద్వారా మంగళవారం ఫిల్మ్నగర్పోలీసులకు అప్పగించాడు.
