నిజామాబాద్, వెలుగు: జిల్లాలో కేంద్రంలోని గోడౌన్ నుంచి నియోజకవర్గ కేంద్రాల్లో ఎంపిక చేసిన స్ట్రాంగ్రూమ్లకు శనివారం ఈవీఎం, వీవీ ప్యాడ్లను తరలించారు. కలెక్టర్ రాజీవ్ గాంధీ హన్మంతు పర్యవేక్షణలో పొలిటికల్ పార్టీల సమక్షంలో ఈ ప్రక్రియ నిర్వహించారు. ఓటరు లిస్ట్ ప్రమాణికంగా సెగ్మెంట్లకు ఈవీఎంలను విభజించారు. వాటి పనితీరును నిర్ధారించాక సీల్వేసి నియోజకవర్గాల రిటర్నింగ్ఆఫీసర్లకు అప్పగించారు. పటిష్ట పోలీసు బందోబస్తు మధ్య స్ట్రాంగ్ రూమ్లకు చేర్చారు.
రూ.10 లక్షల లోపు సొమ్ము రిలీజ్కు గ్రీవెన్స్ సెల్
ఎన్నికల నిబంధనల్లో భాగంగా తనిఖీ అధికారులకు పట్టుబడిన రూ.10 లక్షల లోపు సొమ్మును రిలీజ్చేయడానికి గ్రీవెన్స్సెల్కు పవర్ ఉందని కలెక్టర్ రాజీవ్గాంధీ హన్మంతు తెలిపారు. ఇప్పటి వరకు 27 గ్రీవెన్సులు పరిష్కరించి రూ.48.29 లక్షల నగదు తిరిగి అప్పగించమన్నారు. అడిషనల్కలెక్టర్ యాదిరెడ్డి, కోఆపరేటివ్ డిప్యూటీ రిజిస్ట్రార్, జిల్లా ట్రెజరరీ ఆఫీసర్ నేతృత్వంలో సెల్ పనిచేస్తోందన్నారు. రూ.10 లక్షలకు మించి డబ్బు, బంగారం, వెండి పట్టుబడితే ఇక్కమ్ ట్యాక్స్ వారికి అప్పగిస్తామన్నారు.
