తెలంగాణ రాష్ట్రంలో 17వ లోక్ సభ ఎన్నికలు ఐదవ దశ పోలింగ్ లో జరుగుతున్నాయి. ఉదయం 7గంటలకే పోలింగ్ ప్రారంభమైంది. ఎంత తీవ్రతను దృష్టిలో పెట్టుకొని ఉదయాన్నే తమ ఓటు హక్కును వినియోగించుకునేందుకు ప్రజలు పోలింగ్ బూత్ ల ముందు క్యూ కట్టారు. పలు జిల్లాలో అక్కడక్కడా కొన్ని ఈవీఎంలు మొరాయించాయి. దీంతో ఆయా పోలింగ్ సెంటర్లలో లైన్ లో నిలబడ్డ ఓటర్లకు ఓటేయడానికి కాస్త ఆలస్యమైంది.
మహబూబాబాద్ జిల్లా :-నెల్లికుదుర్ మండలం వావిలాల గ్రామంలో బూత్ 163 లో మొరయించిన ఈవీఎం ఓటర్లు బారులు తీరారు.
జయశంకర్ భూపాలపల్లి జిల్లా :-మలహార్ మండలం తాడిచేర్లలో బూతు నెంబర్ 248లో మొరాయించిన ఈవీఎం, పోలింగ్ నిలిచిపోయింది.
జగిత్యాల జిల్లా :- 30 నిమిషాలుగా ఈవీఎం మొరాయింపు వల్ల కోరుట్ల మండలం కిషన్ రావు పల్లెలోని ఏర్పాటు చేసిన 109వ బూతులో పోలింగ్ ప్రారంభం ఆలస్యమైంది.
నిర్మల్ జిల్లా:-లోకేశ్వరం మండలంలోని రాజురా గ్రామంలో 189 పోలింగ్ కేంద్రంలో మొరాయించిన ఈవీఎం
నాగర్ కర్నూల్ జిల్లా:-అమ్రాబాద్ మండలం వెంకటేశ్వర్లబావి గ్రామంలో 217, 218 పోలింగ్ స్టేషన్లో ఈవీఎం లు మొరాయించడంతో ప్రారంభం కానీ పోలింగ్ బారులు తీరిన ఓటర్లు
మెదక్ జిల్లా:-టేక్మాల్ మండలం పల్వంచ గ్రామంలో ని 84 వ పోలింగ్ బూత్ లో పోలింగ్ ప్రారంభం అవ్వగానే మొరాయించిన ఈవిఏంలు.
సరిచేయడానికి గంట టైం పడుతుందని అధికారులు చెప్పడంతో వెనుదిరిగిన ఓటర్లు.
రాజన్న సిరిసిల్ల జిల్లా:- చందుర్తి మండలం మర్రిగడ్డలోని పోలింగ్ బూత్ 111లో ఈవీఎంలో సాంకేతిక లోపం కారణంగా 30 నిమిషాలు పోలింగ్ ఆలస్యంగా ప్రారంభంమైంది.
రంగారెడ్డి జిల్లా:-రాజేంద్రనగర్ సర్కిల్ లోని హైదర్ గూడలో పల్లవి ఇంటర్నేషనల్ స్కూల్లో 206 పోలింగ్ కేంద్రం గంటన్నర నుంచి EVM పని చేయడం లేదు. ఓటేద్దమని ఎంతో ఉత్సాహంతో వచ్చిన ఓటర్లు వెనుదిరిగారు.
