భద్రాచలం/వైరా, వెలుగు : భద్రాచలం పట్టణంలో ఆర్టీసీ బస్టాండు వెనుక భాగంలో తహసీల్దారు క్వార్టర్ పక్కనే ఉన్న ప్రభుత్వ స్థలంలో డ్రైన్లపై నిర్మించిన 10 దుకాణాలను గురువారం ఈవో శ్రీనివాసరావు నేతృత్వంలో స్టాఫ్ కూల్చేశారు. ఈ స్థలంలో పోలీస్ భవనం నిర్మించడానికి రెవెన్యూ శాఖ స్థలం కేటాయించింది.
ఈ నేపథ్యంలో అక్రమ కట్టడాలను నేలమట్టం చేశారు. వైరా మున్సిపాలిటీ 14 వార్డు శాంతినగర్ ఎస్టీ కాలనీ రైతు వేదిక సమీపంలో అనుమతులు లేకుండా ఎన్ఎస్పీ కాల్వపై కట్టిన ఇంటిని మున్సిపల్ అధికారులు కూల్చివేశారు. ఈ కార్యక్రమంలో మున్సిపల్ కమిషనర్ వేణు టౌన్ ప్లానింగ్ అధికారి భాస్కర్, రెవెన్యూ అధికారులు పోలీసులు పాల్గొన్నారు.
