- ఆ సొమ్మును కేంద్రానికి పంపకుండా సజ్జనార్ ఫ్రాడ్ చేశారు
- నాపై బురదజల్లే కుట్ర
- ఆర్మూర్ మాజీ ఎమ్మెల్యే జీవన్ రెడ్డి
- ఆర్టీసీ ఎండీ క్రిమినల్ మైండ్ సెట్ తో పనిచేస్తున్నారు
- సీపీగా రూ.3 వేల కోట్లు సంపాదించారని ఆరోపణ
నిజామాబాద్, వెలుగు : నిజామాబాద్ జిల్లా ఆర్మూర్ బస్టాండ్లోని తన షాపింగ్ మాల్కు చెందిన జీఎస్టీని ఎప్పుడో కట్టానని బీఆర్ఎస్ నేత జీవన్రెడ్డి తెలి పారు. ఆ సొమ్మును కేంద్ర ప్రభుత్వానికి పంపకుండా ఆర్టీసీ ఎండీ సజ్జనార్ ఫ్రాడ్ చేశారని ఆయన ఆరోపించారు. సజ్జనార్ రూ.వందల కోట్ల అవినీతికి పాల్పడ్డారని ఆయన అన్నారు. శుక్రవారం జిల్లా పార్టీ ఆఫీసులో మీడియాతో జీవన్ రెడ్డి మాట్లాడారు.
రిటైర్మెంట్ తర్వాత రాజ్యసభకు నామినేట్ కావాలనే ప్లాన్తో కాంగ్రెస్కు సజ్జనార్ అనుకూలంగా పనిచేస్తున్నారని చెప్పారు. సరిగ్గా లోక్ సభ ఎన్నికల టైంలోనే తనపై బురదజల్లి ప్రజల్లో చులకన చేసేందుకు కుట్రచేస్తున్నారని మండిపడ్డారు. ‘‘ఈ నెల 8న ఆర్మూర్ కార్నర్ మీటింగ్లో సీఎం రేవంత్ రెడ్డి నా షాపింగ్ మాల్ పేరు ప్రస్తావించిన మరుసటి రోజే సజ్జనార్ జిల్లాకు రావడం, ఆర్టీసీ ఆఫీసర్లు షాపింగ్ మాల్కు నోటీస్ ఇవ్వడం అంతా కుట్రపూరితంగా జరిగింది.
క్రిమినల్ మైండ్సెట్ తో డ్యూటీ చేసే సజ్జనార్.. సైబరాబాద్ పోలీస్ కమిషనర్గా రూ.3 వేల కోట్లు అక్రమంగా సంపాదించారు. సుప్రీంకోర్టులో ఆయనపై కేసులు నడుస్తున్నాయి. ఆర్టీసీ డీజిల్, స్ర్కాప్, టైర్లు, కొత్త బస్సుల కొనుగోళ్లలో కమీషన్లు వసూలు చేశారు’’అని ఆరోపించారు.
