ఖమ్మం రూరల్, వెలుగు: జిల్లాలోని అరాచక శక్తులను తరిమికొట్టాలని, ఐదేండ్లుగా ప్రజావ్యతిరేక పాలన కొనసాగిస్తున్న బీఆర్ఎస్ప్రభుత్వంతో జనం విసుగు చెందారని మాజీ మంత్రి, కాంగ్రెస్నాయకుడు తుమ్మల నాగేశ్వరరావు చెప్పారు. ఆదివారం ఖమ్మం రూరల్మండలం రాజీవ్గృహకల్ప వద్ద నిర్వహించిన మున్నేరు స్విమ్మింగ్ మిత్రుల ఆత్మీయ సమ్మేళనంలో తుమ్మల పాల్గొని మాట్లాడారు. ఎన్టీఆర్వల్లే తాను రాజకీయాల్లోకి వచ్చానని చెప్పారు.
జిల్లాలో ఆదర్శ కమ్యూనిస్టు బోడేపుడితో కలిసి పనిచేశానని గుర్తుచేసుకున్నారు. ప్రస్తుత రాజకీయాలు ఎబ్బెట్టుగా మారాయని అసహనం వ్యక్తం చేశారు. ప్రజల కోరిక మేరకే తాను ఎన్నికల బరిలో ఉన్నానని చెప్పారు. కాంగ్రెస్హైకమాండ్ఆదేశాలతో ఖమ్మం నుంచి తాను, పాలేరు నుంచి పొంగులేటి పోటీ చేస్తున్నామని తెలిపారు. సోనియా గాంధీ కుటుంబం వల్లే తెలంగాణ సాకారం అయ్యిందన్నారు. వచ్చే ఎన్నికల్లో ఉమ్మడి ఖమ్మం జిల్లాలో కాంగ్రెస్ అభ్యర్థులను గెలిపించి, చారిత్రక తీర్పు ఇవ్వాలని కోరారు.
