- ఫోన్ ట్యాపింగ్ లో బయటపడ్డ .. విషయాన్నే కొండా సురేఖ చెప్పారు
- ఆమెపై నాగార్జున కేసు పెట్టడం తగదు
ఖైరతాబాద్, వెలుగు: పదేండ్ల బీఆర్ఎస్పాలనలో రాష్ట్రాన్ని కేసీఆర్ దోచుకున్నాడని మాజీ మంత్రి రవీంద్రనాయక్ విమర్శించారు. తెలంగాణ జనం సొమ్మంతా కేసీఆర్ వద్దే ఉందని, ఆయన అవినీతి కేంద్రానికి కనిపించడం లేదా అని ప్రశ్నించారు. శుక్రవారం సోమాజిగూడ ప్రెస్ క్లబ్లో రవీంద్రనాయక్మీడియాతో మాట్లాడారు. కేసీఆర్ చేసిన అవినీతే ఆయన్ని గత అసెంబ్లీ ఎన్నికల్లో ఓడించిందని విమర్శించారు. ప్రతిపక్షంలోనూ ఫాంహౌస్కే పరిమితయ్యాడన్నారు.
బీఆర్ఎస్హయాంలో చేసిన ఫోన్ట్యాపింగ్ లో బయటపడ్డ విషయాన్నే మంత్రి కొండా సురేఖ ఇటీవల చెప్పారని, ఆమెపై సినీ హీరో నాగార్జున కేసు పెట్టడం, కోర్టుకు వెళ్లడం తగదన్నారు. ఆ టైంలో కేంద్ర హోంశాఖ సహాయ మంత్రిగా ఉన్న కిషన్రెడ్డి ఏమి చేస్తున్నారని, ఫోన్ ట్యాపింగ్జరిగితే కేంద్ర ఇంటిలిజెన్స్ వ్యవస్థ ఏమి చేస్తుందని ప్రశ్నించారు. సీఎం రేవంత్రెడ్డి హైడ్రాతో కబ్జాలకు గురైన చెరువులను, కుంటలను రక్షిస్తుంటే.. కొందరు కావాలనే అడ్డుకుంటున్నారన్నారు. చెరువులు ప్రజల ఆస్తిని, వాటిని కాపాడుకోవడం ప్రభుత్వ బాధ్యత అని చెప్పారు. హైడ్రాను ఎవరూ అడ్డుకోవద్దని విజ్ఞప్తి చేశారు.
