- బిలులు రాలేదని కథ్గాం మాజీ సర్పంచ్ ఆవేదన
- గ్రామ పంచాయతీ భవనం, ట్రాక్టర్ల వేలానికి అనుమతివ్వాలని వినతులు
- సోషల్ మీడియాలో వైరలవుతున్న వినతిపత్రం
భైంసా, వెలుగు: అప్పులు చేసి అభివృద్ధి పనులు చేపట్టానని, కానీ ఆ పనులకు నిధులు మంజూరు కాలేదని, త్వరగా బిల్లులైనా మంజూరు చేయాలని లేదంటే గ్రామ పంచాయతీ భవనాన్ని వేలం వేసేందుకు పర్మిషన్అయినా ఇవ్వాలని భైంసా మండలం కథ్గాం గ్రామ మాజీ సర్పంచ్ అధికారులను వేడుకుంటున్నాడు. ‘నేను ఐదేండ్లపాటు పదవిలో ఉండి మా గ్రామ పంచాయతీలో దాదాపు రూ. కోటిన్నర వరకు అభివృద్ధి పనులు చేపట్టా. సీసీ రోడ్లు, డ్రైనేజీలు, జీపీ బిల్డింగ్ నిర్మాణాలకు రూ. 60 లక్షల వరకు ఖర్చు చేశా. ఇందుకోసం అప్పులు చేశా.
బిల్లులు పెండింగ్లో ఉండడంతో అప్పులు తీర్చలేక రెండేండ్లుగా వడ్డీలు కడుతున్నా. ఆర్థికంగా బాగా ఇబ్బం దుల్లో ఉన్నా.. త్వరగా బిల్లులు ఇవ్వండి.. లేదంటే జీపీ భవనం, ట్రాక్టర్లను వేలం వేయాలనుకుంటున్నాం. నాకు పర్మిషన్ ఇవ్వండి’ అంటూ మాజీ సర్పంచ్ రాజు అధికారులకు మొరపెట్టుకుంటున్నాడు. ఇందుకు సంబంధించి వినతిపత్రాలను ముథోల్ఎమ్మెల్యే రామారావు పటేల్, అడిషనల్కలెక్టర్ ఫైజాన్ అహ్మద్, ఆర్డీవో కోమల్రెడ్డి, తహసీల్దార్ ప్రవీణ్కు వేర్వేరుగా ఇటీవల అందజేశారు. ఈ లెటర్ సోషల్ మీడియాలో వైరల్గా మారింది.
కథ్గాం గ్రామాన్ని ఎంతో అభివృద్ధి చేసి జిల్లాలోనే ఉత్తమ గ్రామ పంచాయతీగా తీర్చిదిద్దామని.. కానీ రూ.60 లక్షల బిల్లులు పెండింగ్లో ఉన్నాయన్నారు. వడ్డీలు కట్టలేక ఆర్థికంగా ఇబ్బందులు పడుతున్నానని అన్నారు. మూడ్రోజుల్లో అధికార యంత్రాంగం స్పందించి చర్యలు తీసుకోవాలన్నారు. లేదంటే గ్రామ పంచాయతీ భవనం ట్రాక్టర్ను వేలం పాట వేసేందుకు పర్మిషన్ఇవ్వాలని కోరారు.
