కొల్లాపూర్, వెలుగు: ఆశా వర్కర్లకు ఎగ్జామ్ పెట్టే విధానాన్ని వెంటనే రద్దు చేయాలని సీఐటీయూ జిల్లా ఉపాధ్యక్షుడు డి ఈశ్వర్ డిమాండ్ చేశారు. పెంట్లవెల్లి మండల కేంద్రంలోని పీహెచ్సీలో శనివారం ఆశా వర్కర్లతో కలిసి వినతిపత్రం అందజేశారు. ఈ సందర్భంగా ఆయన మాట్లాడుతూ 20 ఏండ్ల నుంచి పని చేస్తున్న ఆశా వర్కర్లకు వివిధ రకాల ట్రైనింగ్ ఇచ్చారని, రిజిస్టర్లు రాయడం, సర్వేలు చేయడం, ఆన్లైన్ చేయడం, బీపీ, షుగర్, థైరాయిడ్ వంటి రోగాలను గుర్తిస్తున్నారని తెలిపారు.
అన్నివర్గాల ప్రజలకు సేవలందిస్తున్న ఆశా వర్కర్లకు ఎగ్జామ్ పెట్టాలని నిర్ణయించడం సరైంది కాదన్నారు. వెంటనే ఈ నిర్ణయాన్ని వెనక్కి తీసుకోవాలని కోరారు. ఆశా వర్కర్స్ యూనియన్ జిల్లా ఉపాధ్యక్షురాలు శ్రీదేవి, శివలీల, మమత, జ్యోతి, సునీత, భీమమ్మ, ప్రసన్న, వెంకటమ్మ పాల్గొన్నారు.
