ఎక్సైజ్, కమర్షియల్ ట్యాక్స్ డిపార్ట్మెంట్ మధ్య వ్యాట్ విషయంలో వివాదం మరింత ముదురుతున్నది. ఎంత లిక్కర్ అమ్ముతున్నామో.. అంతే వ్యాట్ కడ్తున్నామని ఎక్సైజ్ డిపార్ట్మెంట్ చెప్తుంటే.. ఏదో తేడా కొడ్తున్నదని కమర్షియల్ ట్యాక్స్ డిపార్ట్మెంట్ ఆరోపిస్తున్నది. లిక్కర్ తయారీకి ఎంత వాటర్ అవసరం అవుతుంది? డిస్టలరీల్లో వాటర్ను ఇంకా ఏయే అవసరాలకు ఉపయోగిస్తారు? లిక్కర్లో వాటర్ పర్సంటేజీ ఎంత? ఈఎన్ఏ ఎంత? అనే వివరాలు తెలుసుకోకుండానే తప్పుడు నిర్ధారణకు వచ్చారని వివరించింది.
అమ్ముతున్న ప్రతి లిక్కర్ బాటిల్పై వ్యాట్ ముందే వసూలు అవుతుందని స్పష్టం చేసింది. అవసరమైతే మద్యం తరలించే వాహనాలకు జీపీఎస్ ఏర్పాటు చేస్తామని కూడా నివేదికలో చెప్పినట్టు సమాచారం. ఎక్సైజ్ డిపార్ట్మెంట్ అధికారులు ఏదో తప్పు చేసినట్టు కమర్షియల్ ట్యాక్స్ అధికారులు ఆరోపించడం సరికాదని నివేదికలో చెప్పినట్టు తెలిసింది.
