హైదరాబాద్: రాష్ట్ర రాజధాని హైదరాబాద్లో డ్రగ్స్, ఇతర మత్తు పదార్థాలపై అధికారులు ఉక్కుపాదం మోపుతున్నారు. ఈ క్రమంలోనే శుక్రవారం అర్ధరాత్రి హైదరాబాద్, రంగారెడ్డి జిల్లాల్లో మరోసారి పబ్బులు, బార్లల్లో మెరుపు దాడులు నిర్వహించారు. హైదరాబాద్, రంగారెడ్డిలోని 25 పబ్బులపై టీజీ నాబ్, ఎక్సైజ్ శాఖ అధికారులు జాయింట్ ఆపరేషన్ చేపట్టారు. రాత్రి 11గంటల నుండి ఒంటి గంట వరకు తనిఖీలు నిర్వహించారు. 107 మంది అనుమానితులకు డ్రగ్ డిటెక్షన్ కిట్లతో పరీక్షలు నిర్వహించారు.
Also Read :- హైడ్రా కూల్చివేతలు కంటిన్యూ
ఇందులో ఆరుగురు డ్రగ్స్ తీసుకున్నట్లు నిర్ధారణ అయినట్లు అధికారులు వెల్లడించారు. జీ40 పబ్లో ఇద్దరికీ, విస్కీ సాంబ పబ్బులో ఇద్దరికీ, జోరా పబ్బులో ఒకరికి, క్లబ్ రోగ్ పబ్లో ఒకరికి డ్రగ్ పాజిటివ్ వచ్చినట్లు తెలిపారు. ఈ సందర్భంగా యువతకు అధికారులు కీలక సూచనలు చేశారు. తెలిసి తెలియని వయస్సులో డ్రగ్స్ కు బానిసై జీవితాలను నాశంన చేసుకోవద్దని సూచించారు. డ్రగ్స్ స్మగ్లింగ్ చేసిన.. వినియోగించిన కఠిన చర్యలు తీసుకుంటామని హెచ్చరించారు.
హైదరాబాద్ సిటీలో అర్థరాత్రి పబ్ లలో పోలీసుల మెరుపు తనిఖీలు #Hyderabad #hyderabadpubs #TGpolice pic.twitter.com/qIhXx3thje
— raghu addanki (@raghuaddanki1) August 31, 2024
