- డిటెక్షన్ కిట్స్ సమకూర్చుకున్న ఎక్సైజ్శాఖ
- ఇప్పటికే వాడుతున్న టీజీ న్యాబ్
- టెస్టులు చేస్తున్న ఎక్సైజ్శాఖ
- ఓ పబ్బుతో పాటు ధూల్పేటలో ప్రయోగాత్మకంగా చెకింగ్
- సీఎం ఆదేశాలతో డ్రగ్స్పై ఉక్కుపాదం
హైదరాబాద్ సిటీ, వెలుగు : నగరంలోని పబ్బులు, క్లబ్బులతో పాటు కొన్ని కాలేజీల్లో స్టూడెంట్స్, యూత్ డ్రగ్స్కు బానిసలవుతుండడం, ప్రతిరోజూ ఎక్కడోచోట డ్రగ్స్పట్టుబడుతుండడంతో ప్రభుత్వం ఈ విషయాన్ని సీరియస్గా తీసుకుంది. మత్తు పదార్థాలపై ఉక్కుపాదం మోపాలని స్వయంగా సీఎం రేవంత్రెడ్డి ఆదేశించడంతో కట్టడి చేయడానికి పోలీస్, ఎక్సైజ్, ఎన్ఫోర్స్మెంట్శాఖలు కసరత్తు చేస్తున్నాయి.
ప్రస్తుత పరిస్థితుల్లో డ్రగ్స్ వాడేవారిని గుర్తించేందుకు అధునాతన పద్ధతులను ఉపయోగించాల్సిన అవసరాన్ని గుర్తించాయి. దీనికోసం నార్కోటిక్స్ డిపార్ట్మెంట్వాడుతున్న డ్రగ్స్ డిటెక్షన్ కిట్స్ను ఉపయోగించాలనే నిర్ణయానికి వచ్చాయి. డ్రంక్ అండ్ డ్రైవ్ టెస్టుల మాదిరిగానే ఈ డ్రగ్స్ డిటెక్షన్ కిట్స్పని చేస్తాయి. ఇవి 13 రకాల డ్రగ్స్ను గుర్తిస్తాయి. ఏ రకం డ్రగ్ తీసుకున్నా కూడా గుర్తు పడతాయి.
ఎలా పని చేస్తుంది?
అందరికంటే ముందు నార్కోటిక్స్లోని టీజీ న్యాబ్ ఈ కిట్స్ను వాడడం మొదలుపెట్టింది. తర్వాత ఎక్సైజ్ శాఖ ఈ కిట్స్ను ఉపయోగించి ధూల్పేటలోని గంజాయి వినియోగదారులపై ప్రయోగాత్మకంగా టెస్టులు చేసింది. కొద్ది రోజుల కింద ఓ పబ్బుతో పాటు ధూల్పేటలో కొందరి శాంపిల్స్ సేకరించి పరీక్షించింది. పబ్బులో 65 మంది, ధూల్పేటలో 15 మందిని టెస్ట్ చేయగా అందరికీ నెగటివ్ వచ్చింది.
ముందుగా డ్రగ్ తీసుకున్న వ్యక్తి యూరిన్‌ డ్రాప్ను ఈ కిట్పై వేయాలి. రెండు నిమిషాల నుంచి ఐదు నిమిషాల్లోనే రిజల్ట్ వస్తుంది. ఒకవేళ డ్రగ్తీసుకుంటే అది ఏ రకం? ఎంత మోతాదులో వాడారో కోడ్ను బట్టి తెలిసిపోతుంది. టెస్ట్ చేసిన వ్యక్తి వారం రోజుల్లో ఎప్పుడు డ్రగ్స్ తీసుకున్నది కూడా బయటపడుతుంది.
కిట్ గుర్తించే 13 రకాల డ్రగ్స్ ..
కోడ్ – డ్రగ్రకం
సీఓసీ- కొకైన్
ఏంపీ - ఎంఫెటమైన్
ఎంఈటీ– మెథంఫెటమైన్
టీహెచ్ సీ - మరిజునా (గాంజా)
ఎంటీడీ – మెథడోన్ఎండీ
ఎండీఎంఏ - మిథైలెనెడియోక్సీ మెథాంఫెటమైన్
ఎంఓపీ - మార్ఫిన్
ఓపీఐ - ఓపియడ్స్
పీసీపీ - ఫెన్సీక్లిడైన్
బార్ - బార్బిట్యురేట్స్
బీజెడ్ఓ - బెంజోడియాజిపైన్
టీసీఏ- ట్రైసైక్లిక్ యాంటీడిప్రెసెంట్స్
రాష్ట్రాన్ని డ్రగ్ ఫ్రీ సిటీగా మారుస్తాం
ఇప్పటికే టీజీ న్యాబ్ డ్రగ్ డిటెక్షన్ బాక్స్‌‌‌‌‌‌‌‌‌‌‌‌‌‌‌‌లను వినియోగిస్తోంది. ఎక్సైజ్శాఖ కూడా ఈ మధ్య ఓ పబ్తో పాటు, ధూల్పేటలో ఈ కిట్స్ను పరిశీలించి చూసింది. ప్రభుత్వం తీసుకుంటున్న చర్యలు, మా యాక్షన్స్తో డ్రగ్స్ అమ్మేవారు,కొనేవారు, వాడేవారు భయపడుతున్నారు. రాష్ట్రాన్ని డ్రగ్ ఫ్రీ సిటీగా మారుస్తాం.
– వీబీ కమలాసన్‌ రెడ్డి, ఎన్ ఫోర్స్‌‌‌‌‌‌‌‌‌‌‌‌‌‌‌‌మెంట్‌ డైరెక్టర్‌, హైదరాబాద్
