- లీగల్సెల్ అడ్వకేట్లు, ప్రజాప్రతినిధుల సమక్షంలో రాజ్పాకాల, శైలేంద్ర నివాసాల్లో సెర్చ్
- దాదాపు 49 విదేశీ మద్యం బాటిళ్లు స్వాధీనం!
- అధికారులను, పోలీసులను అడ్డుకున్న బీఆర్ఎస్ ఎమ్మెల్యేలు, ఎమ్మెల్సీ, నాయకులు
- రాయదుర్గం ఓరియన్ విల్లాస్ వద్ద ఉద్రిక్తత
- అదుపులోకి తీసుకొని గచ్చిబౌలి పీఎస్కు తరలింపు
గచ్చిబౌలి, వెలుగు:రాయదుర్గం దివ్యశ్రీ ఓరియన్విల్లాలోని రాజ్పాకాల ఇంట్లో ఎక్సైజ్ఎన్ఫోర్స్మెంట్అధికారులు, సైబరాబాద్ పోలీసులు ఆదివారం తనిఖీలు చేశారు. రాజ్పాకాల విల్లా నంబర్40లో ఉంటుండగా, ఇతడి సోదరుడు శైలేంద్ర విల్లా నెంబర్5లో ఉంటున్నారు. కాగా, రాజ్పాకాల ఇంటికి తాళం వేసి ఉండడంతో మొదట బీఆర్ఎస్ లీగల్సెల్అడ్వకేట్లు, న్యాయవాదుల సమక్షంలో శైలేంద్రకు చెందిన విల్లా నంబర్5లో ఎక్సైజ్ఎన్ఫోర్స్మెంట్అధికారులు సోదాలు నిర్వహించారు.
అనంతరం విల్లా నెంబర్40 వద్దకు చేరుకున్న అధికారులు.. రాజ్పాకాల అందుబాటులోకి రాకపోవడంతో తాళాలు పగులగొట్టి లోపలికి వెళ్లి, సోదాలు చేశారు. ఎక్సైజ్జాయింట్కమిషనర్ ఖురేషి ఆధ్వర్యంలో సోదాలు జరిగాయి. ఈ సోదాల్లో విల్లా నెంబర్ 5,40,43 నుంచి భారీగా విదేశీ మద్యాన్ని అధికారులు స్వాధీనం చేసుకున్నట్టు తెలిసింది.
అనుమతికి మించి విదేశీ మద్యం: ఎక్సైజ్ డిప్యూటీ కమిషనర్
సోదాల సందర్భంగా ఎక్సైజ్ డిప్యూటీ కమిషనర్ దశరథ్ మీడియాతో మట్లాడారు. రాజ్ పాకాల, అతని సోదరుడు శైలేంద్ర, మరో బంధువుకు చెందిన విల్లాల్లో సోదాలు చేసినట్టు తెలిపారు. ఈ సోదాల్లో అనుమతికి మించి విదేశీ మద్యం, బాటిళ్లను గుర్తించినట్టు తెలిపారు. రాజ్ పాకాల, అతని సోదరుడు శైలేంద్ర విల్లాస్లో, విల్లా నెంబర్ 43లో రాజ్ పాకాల బంధువు ఇంట్లో ఇంకా సోదాలు ముగిశాయని పేర్కొన్నారు. ఎక్సైజ్ శాఖ అధికారుల సోదాల్లో మూడు విల్లాల నుంచి దాదాపు 49 విదేశీ మద్యం బాటిళ్లు స్వాధీనం చేసుకున్నట్టు తెలుస్తున్నది. స్వాధీనం చేసుకున్న మద్యం బాటిళ్లను అధికారులు పోలీస్ వాహనాల్లో తరలించారు.
ఓరియన్ విల్లాస్ వద్ద ఉద్రిక్తత
కేటీఆర్బామ్మర్దికి చెందిన విల్లాలో అధికారులు సోదా లు చేస్తున్నారనే విషయం తెలుసుకున్న బీఆర్ఎస్ ఎమ్మెల్యేలు సంజయ్, కేపీ వివేకానంద, గోపీనాథ్, ఎమ్మెల్సీ రాజు, మాజీ ఎమ్మెల్యే బాల్క సుమన్, బీఆర్ఎస్ లీడర్లు, కార్యకర్తలు ఓరియన్ విల్లాస్కు చేరుకున్నారు. ఎలాంటి వారెంట్ లేకుండా సోదాలు చేయడం ఏమిటని అధికారులను ప్రశ్నించారు. ప్రభుత్వం కక్ష సాధిస్తున్నదని అందోళన చేపట్టారు. వాహనాలకు అడ్డం కూర్చున్నారు.
దీంతో బీఆర్ఎస్ఎమ్మెల్యేలు వివేకానంద, గోపీ నాథ్, సంజయ్, ఎమ్మెల్సీ రాజు, మాజీ ఎమ్మెల్యేలు, లీడర్లను సైబరాబాద్పోలీసులు అరెస్ట్ చేసి, గచ్చిబౌలి పోలీస్ స్టేషన్కు తరలించారు. అరెస్ట్ విషయం తెలుసుకున్న ఎమ్మెల్యేలు పల్లా రాజేశ్వర్రెడ్డి, ముఠా గోపాల్ ఓరియన్ విల్లాస్వద్దకు చేరుకొని, లోపలికి వెళ్లే ప్రయత్నం చేశారు. దీంతో వీరిని సైతం అరెస్ట్ చేసి అక్కడి నుంచి తరలించారు.
అనంతరం బీఆర్ఎస్లీడర్ఆర్ఎస్ ప్రవీణ్కుమార్ కూడాఓరియన్ విల్లాస్వద్దకు వచ్చి ఆందోళన చేపట్టారు. రాష్ట్రంలో ప్రస్తుతం ఎమర్జెన్సీ పాలన నడుస్తున్నదని, జన్వాడ ఫామ్హౌజ్లో కుటుంబసభ్యులతో పార్టీ చేసుకుంటే ‘రేవ్ పార్టీ’ అంటూ ప్రచారం చేస్తారా? అని మండిపడ్డారు.
