- నిందితుడిని అరెస్టు చేసిన ఎక్సైజ్ పోలీసులు
హైదరాబాద్ సిటీ, వెలుగు: ఇన్స్టాగ్రామ్ లో మెసేజ్ చేస్తే గంజాయి, డ్రగ్స్ సరఫరా చేస్తున్న వ్యక్తిని ఎక్సైజ్ పోలీసులు అరెస్ట్ చేశారు. పోలీసులు తెలిపిన వివరాల ప్రకారం.. గురువారం నిజాంపేట్ కుశాల్ పార్క్ హై టెన్షన్ లైన్ రోడ్డులో గంజాయి అమ్మకాలు జరుగుతున్నాయనే సమాచారంతో తనిఖీలు చేపట్టారు.
ఓ యువకుడి బ్యాగులో చెక్చేయగా 17.07 ఓజీ కుష్ గంజాయి, 2.34. గ్రాముల ఎండీఎంఏ, రెండు ఎల్ఎస్డి బ్లాస్ట్, 220 గ్రాముల ఎండు గంజాయి దొరికింది. వీటి విలువ రూ.1.40 లక్షలు ఉంటుందని ఎక్సైజ్ సీఐ నాగరాజు తెలిపారు. నిందితుడు లీలాకృష్ణ గోవా అంజనా బీచ్ లో ఓ డ్రగ్స్ వ్యాపారి వద్ద ఈ డ్రగ్స్ కొని హైదరాబాద్కు తీసుకువచ్చి ఇక్కడ ఇన్స్టాగ్రామ్ ద్వారా అమ్ముతున్నాడు. నిందితుడు గతంలో డ్రగ్స్ కేసుల్లో మూడు సార్లు జైలుకు వెళ్లి వచ్చినా మార్పు రాలేదని తెలిపారు.
