- ఈఆర్సీ అనుమతి ఉన్నందున విచారణే అక్కర్లేదన్న కేసీఆర్
- ఆయన లేవనెత్తిన అంశాలను వాస్తవాలతో సరిపోల్చుతున్న కమిషన్
- కమిషన్ నిర్ణయంపై ఉత్కంఠ..
చత్తీస్గఢ్తో చేసుకున్న విద్యుత్కొనుగోలు ఒప్పందాన్ని ఈఆర్సీ ఆమోదించిందని ఇటీవల కమిషన్ కు రాసిన లేఖలో కేసీఆర్ పేర్కొన్నారు. ఈ నేపథ్యంలో దీనిపై న్యాయ విచారణ అవసరమే లేదని, కమిషన్ చైర్మన్కి విచారణార్హత లేనందున ఆయన తప్పుకోవాలని ఎదురుదాడి చేశారు. దీంతో కేసీఆర్ లెటర్పై కమిషన్ చైర్మన్ జస్టిస్ నర్సింహారెడ్డి సమీక్ష జరుపుతున్నారు. పవర్ పర్చేజ్ అగ్రిమెంట్లు, డాక్యుమెంట్లను క్షుణ్ణంగా అధ్యయనం చేయడంతో పాటు సంబంధిత వ్యక్తులతోనూ మాట్లాడుతున్నారు. విద్యుత్ కొనుగోలు ఒప్పందానికిఈఆర్సీ ఆమోదం లభించలేదని రఘు చెప్పడంతో ఇప్పుడు ఆయన ఎలాంటి నిర్ణయం తీసుకుంటారు అనేది ఉత్కంఠగా మారింది.
