- ఎస్సీ, ఎస్టీ కమిషన్ మాజీ మెంబర్ కుటుంబ సభ్యుల ఆరోపణ
శంషాబాద్, వెలుగు: మై హోమ్ సంస్థ యాజమాన్యంతో తమకు ప్రాణహాని ఉందని రాష్ట్ర ఎస్సీ ఎస్టీ కమిషన్ మాజీ సభ్యుడు చిలకమర్రి నరసింహ భార్య ప్రేమలత, కుటుంబ సభ్యులు ఆరోపించారు. గురువారం ముచ్చింతల్లో వారు మీడియాతో మాట్లాడారు.
పాలమాకుల నుంచి ముచ్చింతల్ రోడ్డు అభివృద్ధి గురించి మాట్లాడినందుకు కక్షతో తన భర్త అయిన చిలకమర్రి నరసింహపై గతంలో దాడిచేసి కారు ధ్వంసం చేశారన్నారు. శంషాబాద్ రూరల్ పీఎస్లో మై హోమ్ యజమానిపై పోలీసులకు ఫిర్యాదు చేశామని, అందుకు కక్ష సాధింపుగా తప్పుడు కేసు పెట్టించి బుధవారం అరెస్ట్ చేయించారన్నారు.
దీంతో తాము బిక్కుబిక్కుమంటూ బతుకుతున్నామని, తమకు ఎలాంటి హాని జరిగినా మై హోమ్ సంస్థ యాజమాన్యానిదే బాధ్యత అన్నారు.
