పెషావర్: రంజాన్ మాసం ప్రారంభానికి ముందు పాకిస్తాన్‌‌‌‌‌‌‌‌లో దారుణం చోటుచేసుకుంది. ఖైబర్ పఖ్తుంఖ్వా ప్రావిన్స్‌‌‌‌‌‌‌‌లోని ఓ మసీదులో శుక్రవారం జుమ్మా ప్రార్థనల సమయంలో శక్తివంతమైన పేలుడు సంభవించి ఐదుగురు మృతిచెందారు. మరో 20 మంది గాయపడ్డారు. ఈ పేలుడులో జమియత్ ఉలేమా ఇస్లాం(జేయూఐ) చీఫ్, నౌషెరా జిల్లాలోని దారుల్ ఉలూమ్ హక్కానియా మదర్సా కేర్టేకర్ హమీదుల్ హక్ హక్కానీ కూడా ప్రాణాలు కోల్పోయాడని ప్రధాన కార్యదర్శి షాహాబ్ అలీ షా ధ్రువీకరించారు.
1968లో జన్మించిన హమీదుల్ హక్ తన తండ్రి మౌలానా సమీ ఉల్ హక్ మరణం తర్వాత జేయూఐ(సమి గ్రూప్)కి అధిపతి అయ్యాడు. ఈ పేలుడును ఆత్మాహుతి బాంబు దాడిగా అనుమానిస్తున్నామని.. హమీదుల్ హక్ లక్ష్యంగా ఈ దాడి జరిగినట్టు తెలుస్తోందని ఖైబర్ పఖ్తుంఖ్వా ఐజీపీ జుల్ఫికర్ హమీద్ తెలిపారు. హమీదుల్ హక్కు తాము ఆరుగురు సెక్యూరిటీ గార్డులను నియమించామని ఆయన తెలిపారు.
