- 30 మీటర్ల దూరంలో ఎగిరిపడిన శకలాలు
- సమీపంలోని 4 ఇండ్లు ధ్వంసం
- ఓ మహిళ, మరో చిన్నారికి గాయాలు
- హైదరాబాద్ జాబ్లీహిల్స్ లో ప్రమాదం
- రెస్టారెంట్ నిర్వాహకులపై క్రిమినల్ కేసు నమోదు
జూబ్లీహిల్స్, వెలుగు: జూబ్లీహిల్స్లోని ఓ రెస్టారెంట్లో ఆదివారం తెల్లవారుజామున పేలుడు సంభవించింది. పేలుడు దాటికి సమీపంలోని 4 ఇండ్లు ధ్వంసమయ్యాయి. పక్క కాలనీలోని ఇండ్లపై శకలాలు ఎగిరిపడడంతో ఓ మహిళ, చిన్నారి గాయపడ్డారు. సుమారు అరగంట పాటు రాళ్లు పడుతూనే ఉన్నాయి. జూబ్లీహిల్స్రోడ్నంబర్1లో కొంతకాలంగా తెలంగాణ స్పైసీ కిచెన్పేరుతో రెస్టారెంట్నిర్వహిస్తున్నారు. పక్కనే దుర్గా భవానీ నగర్బస్తీ ఉంది.
ఆదివారం తెల్లవారుజామున అందరూ నిద్రలో ఉండగా, రెస్టారెంట్లో పెద్ద శబ్దంతో పేలుడు సంభవించింది. దాని దాటికి పక్కనే ఉన్న గోడ కూలి ఆ రాళ్లు దగ్గర్లోని దుర్గా భవానీ నగర్ఇండ్లపై పడ్డాయి. ఇనుప రేకులు గాల్లోకి లేచి ఎగిరిపడ్డాయి. నాన్స్టాప్గా రాళ్లు పడుతూనే ఉన్నాయి. దీంతో నిద్రలోంచి లేచిన స్థానికులు భయంతో పరుగులు తీశారు. హోటల్లోని సెంట్రల్ ఏసీ కంప్రెషర్ పేలిందని కొందరు, ఫ్రిజ్కంప్రెషర్ అని కొందరు, గ్యాస్ సిలిండర్ పేలి ఉండవచ్చనిమరికొందరు అనుమానాలు వ్యక్తం చేశారు.
విషయం తెలుసుకున్న డీసీపీ విజయ్ కుమార్, ఏసీపీ వెంకటగిరి సంఘటనా స్థలాన్ని పరిశీలించారు. గ్యాస్ లీకేజీ వల్ల సిలిండర్పేలి ప్రమాదం జరిగి ఉంటుందని ప్రాథమిక అంచనాకు వచ్చినట్టు చెప్పారు. క్లూస్ టీం ఆధారాలు సేకరించింది. ఫైర్టీమ్తో పాటు డీఆర్ఎఫ్ టీమ్స్వచ్చి సహాయక చర్యలు చేపట్టాయి. నిర్వాహకులపై పోలీసులు క్రిమినల్ కేసు నమోదు చేశారు. అయితే, రెక్కాడితే గాని డొక్కాడని తమ ఇండ్లు ధ్వంసమయ్యాయని, ప్రభుత్వం తమను ఆదుకోవాలని బాధితులు కోరుతున్నారు.
