కారేపల్లి,వెలుగు : రైల్వే ఎలక్ట్రికల్ వైర్ తెగడంతో సికింద్రాబాద్..మణుగూరు ఎక్స్ప్రెస్ రైలు శనివారం కారేపల్లి రైల్వేస్టేషన్లో మూడు గంటలపాటు నిలిచిపోయింది. సికింద్రాబాద్ నుంచి బయల్దేరిన రైలు ఉదయం నాలుగు గంటలకు కారేపల్లి రైల్వేస్టేషన్కు చేరుకుంది. కారేపల్లి రైల్వేస్టేషన్ సమీపంలో విద్యుత్ లైన్ వైర్ తెగడంతో రైలును స్టేషన్లోనే నిలిపివేశారు.
హైదరాబాద్లో ఉంటున్న కొత్తగూడెం, మణుగూరు ప్రాంతాలకు చెందిన గ్రూప్ 4 పరీక్ష రాసే యువతీయువకులు ఈ రైల్లో చాలా మంది ఉన్నారు. రైలు ఇక్కడ నిలిచిపోవడంతో వీరంతా రోడ్డు మార్గంలో వెళ్లేందుకు ఇబ్బందిపడ్డారు. మూడు గంటలపాటు నిలిచి పోవడంతో ప్రయాణీకులు ఇబ్బందులు పడ్డారు.
