డిచ్పల్లి, వెలుగు : తెలంగాణ యూనివర్సిటీ పరిధిలోని వివిధ పీజీ కోర్సుల ఎగ్జామ్ ఫీజు చెల్లింపు గడువు పొడగించినట్లు సీవోఈ అరుణ శుక్రవారం ఒక ప్రకటనలో తెలిపారు. ఎంబీఏ, ఎంసీఏ, ఐఎంబీఏ కోర్సుల 10వ సెమిస్టర్ రెగ్యూలర్, బ్యాక్లాగ్ఎగ్జామ్స్ ఫీజు చెల్లింపు గడువు ఏప్రిల్ 1వ తేదీ వరకు ఉండగా రూ.100 లేట్ఫీజుతో 4వ తేదీ వరకు చెల్లించవచ్చన్నారు.
ఆయా కోర్సుల బ్యాక్లాగ్స్కు ఒక్క సబ్జెక్ట్కు రూ.250, రెండు సబ్జెక్టులకు రూ.500, అంతకంటే ఎక్కువ సబ్జెక్ట్స్ ఉంటే రూ. 800 చెల్లించాల్సి ఉంటుందన్నారు. పూర్తి వివరాల కోసం వర్సిటీ వెబ్సైట్ను సంప్రదించాలని ఆమె సూచించారు.
