సికింద్రాబాద్, వెలుగు : వేసవిలో ప్యాసింజర్ల సౌకర్యార్థం వివిధ మార్గాల్లో నడుస్తున్న పలు స్పెషల్రైళ్ల సర్వీసును పొడిగించినట్లు దక్షిణ మధ్య రైల్వే అధికారులు వెల్లడించారు. వివిధ మార్గాల్లో నడుస్తున్న 22 స్పెషల్ ట్రైన్లు ఈ నెల 13 నుంచి జూన్5 వరకు అందుబాటులో ఉంటాయని చెప్పారు. చెన్నై~ ఇగ్మోర్~-సంత్రగచ్చి, చెన్నై సెంట్రల్~-భువనేశ్వర్, కోయంబత్తూర్~-భగత్కీ కోఠి, ఎర్నాకులమ్~-భ్రహ్మపూర్, కాలా బురాగీ~బెంగుళూరు
నాగర్సోల్~-డిబ్రుగర్ మధ్య ప్రత్యేక రైళ్లు జూన్ 5 వరకు నడుస్తాయని, ఈ సదుపాయాన్ని ప్రయాణీకులు వినియోగించుకోవాలని సూచించారు. వీటితో పాటు ఈ నెల 11 నుంచి మే 1 వరకు కాచిగూడ-~ తిరుపతి, సికింద్రాబాద్~-రామనాథపురం, సికింద్రాబాద్~-నర్సాపూర్ రైళ్ల సర్వీసులను కూడా పొడిగించినట్లు అధికారులు ఒక ప్రకటనలో పేర్కొన్నారు.
