హైదరాబాద్, వెలుగు: వచ్చే ఏడాది మార్చిలో జరిగే టెన్త్ పబ్లిక్ ఎగ్జామ్స్ కు సంబంధించిన పరీక్ష ఫీజు గడువును డిసెంబర్ 5 వరకూ పొడిగించామని ప్రభుత్వ పరీక్షల విభాగం డైరెక్టర్ కృష్ణారావు తెలిపారు. గతంలో ఇచ్చిన షెడ్యూల్ ప్రకారం ఈ నెల 28 వరకూ ఎలాంటి ఫైన్ లేకుండా ఫీజు చెల్లించే అవకాశం ఉంది. అయితే, విద్యార్థులు, టీచర్ల నుంచి వచ్చిన విజ్ఞప్తుల నేపథ్యంలో వచ్చే నెల 5 వరకూ పొడిగించినట్టు చెప్పారు.
రూ.50 ఫైన్తో డిసెంబర్ 12 వరకూ, రూ.200 ఫైన్తో డిసెంబర్ 19 వరకూ, రూ.500 ఫైన్తో డిసెంబర్ 30 వరకూ ఫీజు చెల్లించే చాన్స్ ఉందని పేర్కొన్నారు. టెన్త్ రెగ్యులర్ స్టూడెంట్లకు రూ.125 మాత్రమే ఫీజు ఉంటుందని వెల్లడించారు.
